كايرو 360.. 13 سنة وإحنا دليلكم الأول للحياة في العاصمة!
13 سنة على كايرو 360 صحافة خدمية عيد ميلاد كايرو 360 موقع كايرو 360 ميديا ريبابليك
Cairo 360
شهر مارس وصل! والشهر ده بالنسبة لنا في كايرو 360 أكتر شهر مميز في السنة، لأنه الشهر اللي انطلق فيه موقع كايرو 360 لأول مرة من 13 سنة، وبالتحديد سنة 2010، ومن وقتها وإحنا بنشتغل بكل حماس وحب علشان نكون دليلكم الأسهل والأهم للحياة في واحدة من أكبر عواصم العالم.. وهي محافظة القاهرة، العريقة والعظيمة بمبانيها وسكانها وأماكنها.
وفي 2023 بنحتفل بمرور 13 سنة على إطلاق كايرو 360، وجوانا أحلام كتيرة ورغبة في تقديم صحافة خدمية مهنية تحترم كل فرد في القاهرة، سواء كان من سكانها، أومن زوارها.
وبالمناسبة دي حابين نشكر كل فرد وثق فينا واعتبرنا دليله لمحاولة فهم كل حاجة بتحصل في القاهرة، وشكرًا لكل الشركات الكبرى اللي وثقت فينا واعتبرتنا المكان الأنسب لتعريف سكان القاهرة بالخدمات والمنتجات الرائعة اللي بيقدموها.
في كايرو 360 كتبنا عن آلاف الأماكن في العاصمة، مابين مطاعم وكافيهات ومحلات تسوق، وأماكن ترفيهية ومكتبات ومراكز ثقافية، وكمان قدمنا مقالات نقدية لأهم وأغلب الأفلام اللي عرضتها سينمات القاهرة طوال الـ 13 سنة، وأهم الكتب اللي صدرت في الفترة دي، وحاولنا من خلال فريق متميز من الكتاب والصحفيين ننقل لكم كل تفاصيل الحياة في العاصمة، ولسه عندنا كتير هنقدمه لكم.
عندنا أفكار كتير هتتعرفوا عليها في شهر مارس، من خلال مقالاتنا الجديدة والمهمة، وده غير حفلتنا السنوية المميزة اللي بيتجمع فيها كل فريق العمل من وقت بداية الموق، وده هيكون بالتعاون مع أجمد مكان في القاهرة، وهو “كايرو جاز كلوب”.
وفي بداية سنة جديدة من عمر تجربتنا، بنوعدكم بتقديم خدمات وأفكار إبداعية أكتر، علشان نخلي حياتكم في كايرو أسهل وأبسط وأجمل.
شكرًا لكل أهل القاهرة الجميلة المبهرة.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
