The Definitive Guide to Living in the Capital , Cairo , Egypt

بكره الخميس هتنطلق فعاليات مهرجان AltShift Festival، للسنة الثانية على التوالي في القاهرة، وهو مهرجان مخصص لرواد الأعمال وبيهدف لدعم استخدام الطاقة النظيفة والتنمية المستدامة،  واللي هيستمر من يوم 17 أكتوبر وهيستمر ليوم 19 من نفس الشهر، وهيستقبل مجموعة مبادرات هدفها التغير المجتمعي والتشبيك بين الشركات الناشئة ورواد الأعمال علشان يشتغلوا كفرق في مجالات التنمية المستدامة والحفاظ على البيئة.

المهرجان الأول من نوعه في مصر بيعتمد علي استخدام منتجات معادة التصنيع من القمامة، وكمان هو تجربة لمنع استخدام المنتجات البلاستيكية، وده النسخة العربية من مهرجان Ouishare Fest  الدولي اللي اتنظم قبل كده في أكتر من دولة.

فاعليات المؤتمر هتكون يوم 17 و18 في Degla Campus  ، وهيكون فيه ورش عمل هدفها تبادل الأفكار بين الشركات الناشئة في مجالات التنمية المستدامة والحفاظ على البيئة، وهيناقشوا قضايا المناخ بورشة عمل لرفع مستوى الوعي بعنوان”آثار أزمة التغيرات المناخية الحالية” وكمان هيكون فيه ورشة للتعرف على الواقع المعزز  بالتعاون مع Digital Arabia Network و Augmania.

ويوم 19 أكتوبر هيتنقلوا إلى الجريك كامبوس وهيتضمن عرض موسيقي، وهيبقى فيه “مهرجان الموسيقي للابتكارات المجتمعية”، بتعاون مشترك بين Ouishare و fiiS.org  لتقديم المهرجان الدولي لأمريكا اللاتينية للابتكار الاجتماعي.

هيكون في  المهرجان فنانين وشركات ناشئة ومبتكرين ومنظمات غير حكومية.

علشان تعرفوا تفاصيل أكتر وكمان علشان تعرفوا كيفية المشاركة في المهرجان اضغطوا هنا.