كل اللي محتاج تعرفه عن منحة Chevening البريطانية
اختبارات القبول السفارة البريطانية بالقاهرة تعليم مستقبل أفضل معلومات عن Chevening منح دراسية منح للطلاب المصريين منحة Chevening
Mohammed Sabry
تعتبر منحة chevening واحدة من أهم المنح، اللي بتقدمها الحكومة البريطانية للطلاب المميزين. الحكومة بتقدمها من سنة 1983، بتمويل من وزارة الخارجية البريطانية. وهي فرصة مميزة للطلاب المصريين اللي عاوزين ياخدوا الماجستير، وعندهم مهارات صناعة القرار من كل أنحاء العالم. ومهمة جدًا لتطوير مستقبلهم الأكاديمي والمهني.
أبواب التسجيل بتفتح في ميعاد ثابت كل سنة. من 8 أغسطس لحد 8 نوفمبر. علشان يكون في فرصة قدام الطلاب يخلصوا الأوراق المطلوبة. نجاح الطالب وقبوله، بيتوقف على قدرته على تقديم نفسه بصورة تجذب أنظار اللجنة. لأن المنحة بيتقدم لها آلاف كل سنة، وعدد صغير اللي بيتقبل. والمنحة طبعًا بتتكفل بمصاريف الدراسة، وبتدي مصروف شهري للطلاب.
شروط القبول:
– تكون مواطن لأحد البلاد المؤهلة للتقديم. ومصر طبعًا مؤهلة.
– لازم الطالب يرجع بلده لمدة ماتقلش عن سنتين، بعد انتهاء المنحة.
– يكون الطالب حاصل على درجة البكالريوس أو الليسانس، علشان يقدر يعمل ماجستير في واحدة من جامعات بريطانيا.
– يكون عنده حد أدنى من سنوات الخبرة (سنتين).
– يسجل 3 برامج دراسية يرغب في التقديم لها في أي جامعة بريطانية، حسب اختياره. ولما تجيله جوابات القبول غير المشروطة، لازم يبعتها في ميعاد أقصاه 12 يوليو 2019.
– تتوافق مؤهلاته مع المؤهلات المطلوبة في المنحة، بخصوص إتقان اللغة الإنجليزية.
مؤهلات إتقان اللغة الإنجليزية
المنحة بتقبل نتائج الاختبارات دي:
Academic IELTS
Person PTE Academic
TOEFL iBT
Cambridge English: Advanced (CEA)
Trinity ISE II (B2)
أما برنامج المنحة وكل التفاصيل والمعلومات الخاصة بها، تقدروا تعرفوها من هنا.
مقترح
الحياة في كايرو
قانون الإيجار القديم بيتغير؟.. كل اللي محتاج تعرفه عن التعديلات الجديدة وأثرها عليك!
أزمة الإيجار القديم إيجار الأشخاص الاعتبارية +8
معالم وسياحة
