The Definitive Guide to Living in the Capital , Cairo , Egypt

الحياة في كايرو

“كوني ماماليزا!”.. 5 معلومات عن أضخم مهرجان للأم المصرية في القاهرة

The Rahet Bally Experience كوني ماماليزا مهرجان راحة بالي مهرجانات في القاهرة
“كوني ماماليزا!”.. 5 معلومات عن أضخم مهرجان للأم المصرية في القاهرة
بواسطة
Cairo 360

جميلة القاهرة! وجمالها بيزيد مع كل مهرجان فني أو ثقافي مميز بيجمع الناس حواليه. والسنة دي، هيقام مهرجان The Rahet Bally Experience في دورته الخامسة يوم 26 نوفمبر القادم في Walk of Cairo تحت عنوان Be our MAMALISA! أو “كوني ماماليزا!”.. تعالوا نتعرف أكتر على المهرجان ده من خلال 5 معلومات فيهم الخلاصة.

 

1 – مهرجان The Rahet Bally Experience هو أضخم مهرجان للأم المصرية والعائلة في مصر، وبيقام في القاهرة كل سنة، وكل دورة بيكون لها تيمة مختلفة ومميزة. وبيقوم العارضين والرعاة بتقديم فقرات فنية وترفيهية للأطفال بالإضافة لأنشطة خاصة ترفيهية وتجميلية للأمهات في جو مبهج مليان بالمسابقات والفعاليات المناسبة لكل أفراد الأسرة.

2 – “كوني ماماليزا!” ده اسم المهرجان السنة دي، والاسم ده مستوحى من لوحة الموناليزا للرسام ليوناردو دافنشي وهي واحدة من أشهر اللوحات اللي جسدت المرأة عالميًا.

 3 – بتهدف الدورة الجديدة اللي هتقام يوم 26 نوفبمر القادم في Walk of Cairo، لتسليط الدور على الفن اللي بيؤثر في حياة كل سيدة وكل أم، وده لأن الأمومة نفسها فن، وارتداء الأزياء فن، وديكور المنزل فن، وصناعة فنجان القهوة في الصباح فن، والطهي فن، وتحضير اللانش بوكس للأطفال صباحًا فن، واختيار العطور فن، ووضع مساحيق التجميل فن.. يعني الفن بيغلّف حياة كل سيدة وعائلة من غير ما نحس.

4 – هيستمتع حضور المهرجان بأعمال فنية معاصرة مستوحاة من لوحات أشهر الفنانين زي فريدا كاهلو وسيلفادور دالي وفان جوخ وآندي وراهول، وعروض مسرحية راقصة مميزة بالإضافة للمواكب الفنية اللي بتضفي البهجة والسعادة في أرجاء المكان. كمان هيشهد المهرجان حضور مميز للمركز العربي للأوريجامي وفنان الكاريكاتير مخلوف.

5 – وعبرت نادية جمال الدين مؤسسة المهرجان عن سعادتها بالدورة الجديدة، وقالت إنها فخورة جدًا بالمهرجان اللي هيشهد فعاليات وفقرات للأسرة بتقدم لأول مرة، ووجهت الشكر لكل الشركات الداعمة للمهرجان والرعاة والعارضين اللي بيدعموا الفكرة من دورتها الأولى.

 

حساب إنستجرام الخاص بالإيفنت

لينك الإيفنت على فيسبوك

لينك حجز التذاكر

مقترح