The Definitive Guide to Living in the Capital , Cairo , Egypt

أي خروجة بتكون جزء من ذكريات لطيفة، ودايمًا بندور على الأماكن اللي تخلينا مبسوطين، والبعض بيكون اختيارهم للمكان مش علشان جودة الأكل ولا قرب المكان وبس، لكن بيكون الاختيار كمان بسبب الفيو الحلو اللي يخلينا ناخد صورة حلوة، وطالما بنضحك في الصورة، أكيد هتطلع حلوة، فأستمتعوا بكل لحظة وصورة في خروجاتكم خاصة الأيام دي اللي كتير من الأماكن بتقدم ديكورات الكريسماس بشكل مميز.

خلال السطور الجاية هنقول لكم على 5 مطاعم فيها أكل لطيف وفيو جميل ينعشكم، يعني هتقدروا تعملوا فيهم أحلى فوتوسيشن.

 

9 Pyramids Lounge

كلنا بنعشق الحضارة والأهرامات، والمطعم ده الفيو بتاعه مباشر لواحدة من أجمل وأعظم عجائب الدنيا السبع، وأنتم قاعدين في المطعم في أي اتجاه هتكون الأهرامات قدامكم وبالتالي هتقدروا تتصورا صور حلوة تحكي عن اليوم اللي هيكون حلو.

تقدروا تعرفوا أكتر عنهم من خلال صفحة الفيسبوك من هنا.

Mumble

مطعم جديد من ضمن مطاعم ممشى أهل مصر، والفيو بتاعه على النيل، وبيتميز بالقعدة المريحة والفيو المميز، وهو مطعم وكافيه، فتخيلوا بقى لما تبدأوا يومكم بالفطار فيه، أكيد هيكون حاجة عظيمة.

تقدروا تعرفوا أكتر عنهم من خلال صفحةا الفيسبوك من هنا.

 

Fish & ships

هو مطعم سمك من المطاعم العظيمة في القاهرة، واللي موجودة دايمًا في ترشيحاتنا، وتقدروا تاكلوا أجمل وأحلى سمك، وهما عندهم بلكونة صغيرة هي الأشهر في وسط البلد، وكلها ورد بألوان مبهجة، والديكور بتاعه بسيط هينقلكم من الحاضر للماضي بكل حب.

تقدروا تعرفوا أكتر عنهم من خلال صفحة الفيسبوك من هنا.

الخيمة البدوية

رغم أنها مش مشهورة قوي إلا أن الديكورات عندهم بدوية بجد، وكمان على النيل، وكل هواة القعدات البدوي هينبسطوا بالتفاصيل الكتير اللي موجودة، ده غير كمان أن عندهم أكل بدوي وبيعملوا حفلات دايمًا معظمها بدوية.

تقدروا تعرفوا أكتر عنهم من خلال صفحة الفيسبوك من هنا.

Restless

هو مكان نفسيًا مريح، والخدمة فيه ممتازة، وعاملين ديكورات مميزة الفترة دي تقدروا تتصوروا فيها، حتى لو مش هتدخلوا تاكلوا أو تشربوا لأن الديكورات عندهم بره المكان وجوا المكان. والأكل هناك عظمة.

تقدروا تعرفوا أكتر عنهم من خلال صفحة الفيسبوك من هنا.