Cairo 360
علشان نعيش كويس، محتاجين بيئتنا تكون نضيفة وصحية. بس ده مش هيحصل لوحده، لازم إحنا اللي نحافظ على البيئة ونخليها في أحسن حال. وده بالفعل اللي هبتدأ تعمله مؤسسة “Greenish”، المتخصصة في الأعمال المجتمعية. من خلال مبادرة “شوارع واعية”، اللي هتكون في شارع 9 في المعادي، يوم الجمعة 19 أكتوبر. والدعوة مفتوحة للي عايز ينضم.
بالمبادرة دي “Greenish” هتنزل الشارع علشان تنشر الوعي بالاهتمام بالبيئة بين الناس. وكل شهر هيروحوا مكان مختلف.
فريق المبادرة هينزل يوم الجمعة الساعة 1 ظهرًا. ويكلم أصحاب المحلات والمطاعم عن خطورة البلاستيك على البيئة. والحلول اللي ممكن تساعدهم في تقليل استخدامه. كمان الفريق هيكلم الناس في الشارع عن أضرار البلاستيك على حياتنا، وإنهم يحاولوا مايشتروش أي عبوات بلاستيك قدر المستطاع.
اعرفوا تفاصيل أكتر عن المبادرة من اللينك ده.