The Definitive Guide to Living in the Capital , Cairo , Egypt

الشطرنج هو لعبة الملوك والأذكياء. لعبة عظيمة بتعلمنا التركيز والصبر وعدم الاندفاع ومهارات التحليل، وغيرها من الفوائد اللي أكيد هتحسن حياتكم، وشيء عظيم جدًا أنكم تعلموا أولادكم الشطرنج لأنه هيفرق معاهم في تنميتهم تربويًا، وكمان لو أنتم نفسكم قررتم تتعلموا الشطرنج حياتكم أكيد هتكون أفضل.

في السطور الجاية هنعرفكم على أفضل 5 أماكن في القاهرة تقدروا تتعلموا فيها لعب الشطرنج.

Cairo Chess Academy

من أفضل الأماكن اللي ممكن تتعلموا فيها الشطرنج وهما بيعلموا الصغار والكبار ولهم أكتر من فرع وتقدروا تتواصلوا معاهم من خلال صفحة الفيسبوك من هنا.

Adly Chess Academy

من أشهر الأماكن اللي دربت عدد كبير من الأطفال ومنهم اللي حاليًا أبطال في اللعبة، ولها في القاهرة 5 فروع، وهي من تأسيس بطل مصر والعالم أحمد عدلي، وتقدروا تتواصلوا معاهم من خلال صفحتهم على فيسبوك من هنا.

أكاديمية شطرنج القاهرة

مش بس هتتعلموا لعب الشطرنج لا وكمان هتدخلوا مسابقات شبه حقيقية للتعليم وهتتحطوا تحت ضغط في نموذج محاكاة بيتعمل كل فترة ومسابقة بين المتدربين بتكون مهمة في تكوينكم واكتشاف ذاتكم، وتقدروا تتعرفوا عليهم من خلال صفحة الفيسبوك من هنا.

Wadi Degla Chess Academy

خلينا نقول أن أكاديمية وادي دجلة هي مصنع الأبطال وبتهتم جدًا بالأطفال في لعبة الشطرنج وبتخرجهم حريفة من خلال بطولات داخلية ومشاركتهم في بطولات محلية وعالمية، وتقدروا تتعرفوا أكتر على الأكاديمية من هنا.

Morad Magdy chess coach

هي أكاديمية خاصة باللاعب مراد مجدي والميزة هنا أن تعليم لعبة الشطرنج بيكون أونلاين، وتقدروا تعرفوا كل التفاصيل من خلال صفحة الفيسبوك من هنا.