The Definitive Guide to Living in the Capital , Cairo , Egypt

القهوة مش مجرد مشروب عادي، ده أصبح عشق متناهي، وكمان أصبح فيه كتير من الناس مدمنين للقهوة وأصبح ليهم مجتمع خاص بيهم، وكمان القاهرة أصبح فيها مهرجان مخصص لعشاق القهوة، واللي بيتعمل للسنة الثالثة على التوالي، وبينظمه ويديره مجموعة من المحبين للقهوة سواء أفراد أو جروبات زي جروب Espresso Club Egypt‎‏ المسئول التسويقي للمهرجان.

الهدف من المهرجان، اللي هيستمر من يوم الخميس 3 مارس حتى السبت 5 مارس 2022، هو رفع وعي الناس بالقهوة بكل أنواعها واستخداماتها، وكمان بيوفر دورات تدريبية عن صناعتها بأفضل شكل. خلال السطور الجاية هنقول لكم على 5 معلومات عن مهرجان القهوة.

 

1- مهرجان القهوة هيكون في فندق سميراميس جاردن سيتي.

2- الدخول للمهرجان متاح مجانا من الساعة 10 صباحًا حتى 10 مساءً.

3- المهرجان هيكون فيه كل البرندات المتخصصة في القهوة والشيكولاته والمكسرات والتمور ومنها المحلية والعالمية.

4- مهرجان القهوة مسموح فيه إنك تجرب بنفسك كل أنواع القهوة مجانًا لإختيار الأفضل لك، ولو قررت تشتري هيكون فيه خصومات مميزة.

5- تقدروا تشتركوا في دورات تعليم صناعة القهوة علشان تعرفوا إزاي تختاروا البن المناسب أو حتى الماكينة المناسبة لكم من خلال متخصصين في القهوة.

وأخيرًا..

تقدروا تعرفوا تفاصيل أكتر عن مهرجان القهوة وتتابعوا أخباره من خلال صفحة الفيسبوك من هنا.