للبنات: ورشة في القاهرة هتعلمك إزاي تخسي عن طريق الرقص
Cairo 360
لو بتفكري في خسارة الوزن، بس بطريقة مريحة ومسلية، يبقى لازم تروحي ورشة الرقص التنحيفي. اللي عاملها مركز درب 1718. مع المدربة علا سالم.
علشان نمارس الرياضة بشكل عام، لازم نعرف إمكانيات أجسامنا كويس. لكن علشان نمارس الرياضة كوسيلة للتنحيف، لازم نتعلم الخطوات الأساسية لأنواع كتير من الرقص، زي الهندي، اللاتيني، الأفريقي، الشرقي وغيرهم. وضروري نتعلم نستخدمها بطرق تساعدنا على إنقاص الوزن. ونكتشف إزاي الرقص ممكن يغير شكل الجسم.
المشاركات في الورشة هيتعلموا إزاي يستخدموا الرقص بطرق مختلفة، في إنقاص الوزن، وإيه المناطق اللي هيخسروا منها الوزن بالرقص، وإزاي يطبقوا الطريقة دي في البيت.
مدربة الورشة علا سالم بتشتغل مدربة رقص ولياقة بدنية مع السيدات والأطفال من 2014. أسست “ورشة الرقص التنحيفي” بهدف إنقاص الوزن وتحسين الحالة النفسية في 2015. وقدمتها في أماكن كتيرة زي: ستوديو عماد الدين، كاميرا وميكروفون القاهرة، إكستريم جيم.. وغيرهم.
الورشة هتكون يوم السبت 16 ديسمبر، من 4 لـ 5 مساءً. وتكلفتها: 50 جنيه.
اعرفوا تفاصيل أكتر عن الورشة من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
