The Definitive Guide to Living in the Capital , Cairo , Egypt

ومين مايحبش النظر إلى السماء، خصوصًا في المساء، وآه لو ده حصل في صحراء شاسعة! والسماء هتشهد في شهر أكتوبر الجاري، مجموعة ظواهر فلكية فريدة، وده بحسب تقرير نشرته صحيفة “واشنطن بوست” الأمريكية.

طيب تشتري منين تلسكوب بسعر مناسب علشان تراقب الظواهر دي في السماء؟ بتوفر مواقع التسوق، مجموعة كبيرة من التلسكوبات الفلكية، ومنها موقع أمازون مصر، واللي هتلاقوا عليه أنواع مختلفة من التلسكوبات بأسعار متباينة. (اشتروا من هنا).

تعالوا نعرف أجمل الظواهر الفلكية اللي هتحصل في أكتوبر.

يوم 4 أكتوبر

هتشهد السماء ظاهرة بتسمى “حلقة النار”، والظاهرة دي بتحصل لما يمر القمر أمام الشمس، ووقتها بيحجب جزء كبير منها، لكنه بيترك وراءه حلقة لامعة من ضوء الشمس، علشان كدة اسمها “حلقة النار”.

ولأن الشمس مابتكونش محجوبة بشكل كامل في الكسوف ده، هنحتاج نستخدم وسائل حماية متخصصة للعين لتجنب حدوث ضرر وقت مشاهدتها.

يوم 28 أكتوبر

هتكتمل في السماء ظاهرة اسمها “قمر الصياد”، واسم الظاهرة دي سببه أن الضوء الساطع المنبعث من القمر بيسهل على الصيادين قتل الفريسة قبل أشهر الشتاء، ده غير إنه بيساعد المزارعين اللي بيشتغلوا خلال الليل على حصاد المحاصيل.

أما على مستوى الكواكب الثانية، فكوكب الزهرة هيتوهج بالأبيض، وهيتمكن الأشخاص اللي بيصحوا من النوم بدري من مشاهدته لحد بداية السنة القادمة.