حتى لو ضيوفك 2500 شخص.. أفضل أماكن بتقدم خدمة تجهيز الطعام للمناسبات
أكلات زفاف تجمعات أسرية حفلات شواء عشاء خاص عشاء عائلي عشاء للزفاف
Mohamed Talaat
دايمًا لما بيكون عندنا مناسبة أو تجمع ما أول حاجة بنشيل همها هي “الأكل”، والجملة الأشهر بين الشباب حاليًا “هناكل إيه؟!”، وبنبقى في حيرة دائمة هنقدم إيه لضيوفنا لو عندنا مناسبة ما، علشان كده هنعرفكم على 5 أماكن متخصصة في تجهيز أكلات للحفلات والتجمعات العامة والشركات واللي بتعتمد على الطبخ في منزل العميل وتجهيز الأكل المتفق عليه طبقًا لرغباتكم، وده بحسب تقرير نشره مؤخرًا موقع نشرة إنتربرايز.
The sag experience
خلال صيف 2020 تأسست شركة ذا ساجا اكسبرينس، وهم متخصصين في تقدبم الطعام للحفلات الخاص والأفراح وفعاليات الشركات، والحد الأدني للأفراد 15 شخص، ومعروف عنهم قدرتهم على خدمة الكثير في الحفلات ووصلوا لخدمة 2500 شخص في مناسبة واحدة، وهما متميزين في أطباق المكرونة الترافل ولحم التارتار وأسياخ البيكاتيا ولحم الفوفيليه، والأسعار عندهم بتبدأ من 750 جنيه للفرد.
تقدروا تعرفوا أكتر عنهم من خلال أكونت إنستجرام من هنا.
Avec Karim
بناءً على شخصيتك هيتم تقديم الأكل للضيوف، ده اللي بتعمله شركة أفيك كريم اللي بيديرها الشيف كريم عبد الرحمن، وكانت البداية مع ظهور جائحة كورونا وبدأوا بتقديم وجبات عشاء خاصة لجروبات صغيرة وبعد كده كبروا المشروع وبيقدموا خدماتهم في كل الحفلات والمناسبات، وبيعتمدوا على أنهم بيقابلوا كل عميل ويقعدوا معاه وبناءً على طبيعته والأجواء المنزلية بيحددوا نوع الأكل وأسعارهم بتتغير حسب المكان وعدد الحاضرين وكمان الاستعدادات والعوامل الاقتصادية.
تقدروا تعرفوا أكتر عنهم من خلال أكونت إنستجرام من هنا.
Meat Party BBQ
تعتبر ميت بارتي المكان المناسب لكل محبي حفلات الشواء بكل أنواعها وهي من الشركات اللي بتقدم جودة عالية من اللحوم مستوحاة من مطابخ أمريكا الجنوبية، وعندها القدرة في تقديم خدماتها لكل المناسبات وخاصة التجمعات الصغيرة من 30 لـ40 فرد، وبيقدموا لحوم بكل أنواعها وبعض الخيارات من المأكولات البحرية وخدمات المشروبات والموسيقى، ويبدأ سعر الخدمة للفرد من 800 جنيه.
تقدروا تعرفوا أكتر عنهم من خلال أكونت إنستجرام من هنا.ِ
Dine with Dina
الشيف دينا حسني هي خريجة كلية لو كوردن بلو الفرنسية، وبتقدم خدمات تقديم الطعام في الحفلات والمناسبات ولكن هي الحد الأقصى للأفراد 20 فرد فقط، وده لأنها بتقدمة خدمة فائقة الجودة وبتهتم بك تفصيلة والمكونات وبيكون المنيو بناءً على ذوق العملاء من خلال استبيان بيتعمل قبل الاتفاق، وأهم أطباق مميزة عندها المكرونة وتوستادا الفريك باللحمة الضاني وكتف اللحم الضاني المخلي، وبيبدأ سعر الفرد من 2000 جنيه.
تقدروا تعرفوا أكتر عنهم من خلال أكونت إنستجرام من هنا.
The cookery Co
من أقدم شركات تقديم خدمات المطاعم في مصر وبدأت نشاطها في 2016 داخل حديقة منزل واحد من المؤسسين ورغم أن البداية كانت لحفلات صغيرة إلا أنهم حاليًا يقدروا يخدموا ألف شخص في المناسبة الواحدة، وهما متميزين في الأكل الحفيف ووجبات العشاء والبوفيه المفتوح للمناسبات المختلفة زي الزفاف والعمل والتجمعات الخاصة وهكذا، ويبدأ سعر الفرد في الحفلة من 1000 جنيه.
تقدروا تعرفوا أكتر عنهم من خلال أكونت إنستجرام من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
