لو عندك شكوى… إزاي تتواصل مع “أوبر” و”كريم”؟
أوبر التواصل مع أوبر التواصل مع كريم تطبيق تقديم شكاوى تليفون خدمة العملاء شركة أوبر شركة كريم شكاوى كريم
Cairo 360
أحيانًا بتقابلنا مشاكل لما بنستخدم خدمات أوبر أو كريم، زي مثلًا السائق تعامله معانا غير لائق، أو لو نسينا حاجة في العربية، إلخ إلخ.. وفي السطور الجاية هنعرفكم إزاي تتواصلوا بشكل مباشر مع أوبر وكريم علشان تقدموا شكوتكم.
شركة أوبر:
بتقوم بفتح التطبيق من تليفونك، وبعدها تضغط على الإعدادات، وبعدين بتختار Help أو للمساعدة.
التطبيق بيقدم لك عدد من الخيارات اللي بتسهل عليك تقديم الشكوى، زي مشكلات رسوم الأجرة، أو فقد المتعلقات، أو مشكلات السائق والعربية، أو مشكلات خاصة بالطريق.
لما بتفتح أي خيار منهم هتلاقي نموذج صغير باللغة الانجليزية عن تفاصيل الشكوى، وفي نهايته هتلاقي Submit علشان تبعت الشكوى.
كمان يقدر المستخدم يبعت رسالة خاصة فيها تفاصيل الشكوى أو المشكلة اللي اتعرض لها من خلال خدمة الرسائل اللي بتقدمها الشركة من خلال صفحتها الرسمية على الفيسبوك.
كمان تقدر تتوجه للمقر الرئيسي للشركة بالقاهرة في المبنى اليوناني بالجامعة الأمريكية، شارع محمد محمود، ميدان التحرير، من السبت إلى الخميس من الساعة 9 صباحًا وحتى 4:30 عصرًا.
شركة كريم:
بيقوم المستخدم بفتح التطبيق من تليفونه بعدها يضغط على الإعدادات، وبعدها يختار الإبلاغ عن مشكلة، بعد كده يختار المستخدم واحدة من المشكلات اللي بتتعلق بالسائق أو السيارة أو فقد المتعلقات، وبيقوم بكتابة كل اللي اتعرض له بالتفصيل، وممكن يرفق من صورة إلى 3 صور بحد أقصى لتوثيق المشكلة.
كمان ممكن تقديم الشكوى من خلال البريد الإلكتروني go@careem.com
كمان تقدر تتصل برقم خدمة العملاء “0238272828”.
ده غير إنك تقدر تبعت رسالة خاصة فيها تفاصيل الشكوى أو المشكلة اللي اتعرضت لها عبر خدمة الرسائل اللي بتقدمها الشركة من خلال صفحتها الرسمية على الفيسبوك.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
