The Definitive Guide to Living in the Capital , Cairo , Egypt

الحياة في كايرو

ليه كايرو 360 أكتر موقع مصري هيخليك تقع في غرام القاهرة؟ (11 سبب)

أسباب لمتابعة كايرو 360 دليلك للحياة في العاصمة عن موقع كايرو 360 عيد ميلاد كايرو 360 كايرو 360
ليه كايرو 360 أكتر موقع مصري هيخليك تقع في غرام القاهرة؟ (11 سبب)
بواسطة
Mohammed Sabry

فريق كايرو 360 بيحتفل معاكم الفترة دي بمرور 11 سنة على انطلاق الموقع. 11 سنة حاولنا فيهم بكل طاقتنا نكون بالنسبة لكم الموقع الأول والرائد في كل جديد ومهم جوة وبرة القاهرة. قدمنا لكم مواضيع مختلفة وتغطيات متنوعة وأخبار مهمة، وكان شعارنا دائمًا هو: دليلك الأول للحياة في العاصمة.

وبمناسبة مرور 11 سنة على انطلاق كايرو 360.. تعالوا نقول لكم على 11 سبب وجيه خلو كايرو 360 هو أكتر موقع مصري هيخليك تحب القاهرة. يلا بينا:

1- الخروجات

مين فينا مابيحبش يخرج ويتفسح، بغض النظر عن صاحبك الكئيب بتاع كله رايح. على كايرو 360 هتلاقي أجندة محدثة بشكل مستمر بكل الحفلات الفنية والثقافية، اللي بتحصل في كل حتة في القاهرة. بصة صغيرة كل يوم على قائمة الإيفينتات، وهتقدر تحدد سهرتك فين.

2- المطاعم

كل المطاعم اللي سمعت عنها أو ماسمعتش، لازم تلاقي ريفيو عنها بكل التفاصيل. من المكان، للخدمة، للأسعار، وغيرهم. ده غير ترشيحات كتيرة لأفضل المطاعم في فئات مختلفة. هتعرف كل تفصيلة أنت عايزها، قبل ما تفكر فيها.

3- الأفلام

الخروجات مش بس حفلات ومطاعم، ممكن الخروجة تبقى فيلم في السينما. وفي ده إحنا متوصيين بزيادة. مش بس كل أسبوع هتعرف إيه الأفلام الجديدة المعروضة، انت كمان هتلاقي ريفيو لكل الأفلام دي. يساعدك تختار الفيلم اللي بتحبه على مزاجك.

4- الكتب

لسه ياما في الجراب يا حاوي. لو بتحب القراية والكتب، برضه هتلاقي ريفيوهات وترشيحات لكتب مختلفة. فلو محتار في حاجة جديدة تقراها، ماتفكرش وروح لكايرو 360.

5- السفر

هتلاقي موضوعات كتيرة ومختلفة تخص السفر. بدايةً من النصايح الخاصة بيه، لحد الوجهات المختلفة وطرق الحجز. حتى لو مبتديء وخبرتك قليلة، هتعرف كل المعلومات الأساسية اللي تساعدك لو أخدت القرار. هتسافر يعني هتسافر.

6- المهرجانات الفنية

مستحيل يبقى فيه مهرجان فني بيتم على أرض القاهرة، ومش منشورة تفاصيله على كايرو 360. هتعرف أخبار كل الفعاليات الفنية والثقافية بكل أنواعها. وكمان هتلاقي تغطية كاملة ليها من كافة الجوانب.

7- المبادرات الشبابية

دايمًا هتكون على دراية بالمبادرات الشبابية، اللي بتتم في القاهرة أو برة القاهرة. الأفكار المميزة بتظهر طول الوقت، ولازم تاخد حقها في الانتشار. لأنها دايمًا بتشجع على مشاريع تانية زيها.

8- الوِرش

لو عندك موهبة وعايز تنميها، هتلاقي دليل بكل الأماكن والورش اللي تساعدك في ده. ورش الرسم، الموسيقى، الكتابة، الحرف المختلفة. مش محتاج تدور كتير وأنت عندك المصدر.

9- تاريخ القاهرة

هتعرف أكتر عن تاريخ القاهرة الجميل، بكل تفاصيله وبمعلومات ممكن تكون بتعرفها لأول مرة. هتلاقي صور وحكايات من زمن فات. وهتتعرف على أحداث وشخصيات عامة، كلها كانت جزء من تراث القاهرة الجميل.

10- حاضر القاهرة

سواء من سكانها أو ضيف فيها، كل حاجة جديدة محتاج تعرفها عن القاهرة، هتعرفها من كايرو 360. لأنه دليلك الشامل لكل شارع فيها، ولأي حاجة بتحصل. هتتابع الأحداث وكل جديد لحظة بلحظة. ده غير إنك هتتعرف على كل حاجة بتسهل حياتك فيها، زي التطبيقات المختلفة. أو الخدمات اللي بنحتاجها بشكل أساسي في حياتنا اليومية.

11 – سعادتك هدفنا

دايمًا بنحاول في كايرو 360 نقدم لكم أخبار إيجابية، علشان تبدأ يومك بشكل مبهج ومختلف، بنحاول نكون مصدر موثوق لكل الأخبار الإيجابية عن العاصمة.. علشان شايفين إن بعض وسائل الإعلام بتكتفي بنقل صورة سلبية عن الحياة، وده ممكن يخلينا مكتئبين.. علشان كده قررنا في كايرو 360 نكون مصدرك للسعادة والفرحة ومعرفة كل حاجة حلوة بتحصل حوالينا.

كل سنة وجمهور كايرو 360 دايمًا متميز ومختلف.

مقترح