ما يفوتكش يوم 23 ديسمبر.. ماراثون الكتابة في دكة أضف فن وثقافة
Mohammed Sabry
لك في الكتابة؟ شايف إنك بتعرف تكتب كويس؟ بتدور على فرصة تقدر من خلالها تظهر موهبتك وتطور من نفسك؟ أهي الفرصة جت لحد عندك في ماراثون الكتابة اللي بتستضيفه دكة أضف يوم الجمعة 23 ديسمبر الجاري.
إيه ماراثون الكتابة ده؟ وإزاي اشترك فيه؟
الماراثون ده هو فكرة عالمية دايمًا بيلجأ لها الكتاب لمساعدتهم على إنجاز مشاريع مؤجلة. أو التركيز على الكتابة في موضوع محدد بشكل تشاركي. وفيه بيتجمع عدد من الكتاب في مكان واحد لمدة طويلة، وبيقسموا وقتهم لفترات قصيرة يكتبوا فيها. وبعد كده بيقروا لبعض اللي كتبوه.
عشان تشترك في الماراثون لازم تملى الاستمارة الخاصة به قبل يوم الثلاثاء 20 ديسمبر. أقصى عدد للمشاركين هو 10. وهيتم إبلاغ العشرة المختارين تليفونيًا قبل يوم الماراثون. وده لينك الاستمارة.
بيدير الماراثون إيناس لطفي. وهي سيناريست و storyteller على خشبة المسرح ومدربة كتابة حرة. وجربت ماراثون الكتابة قبل كده في أماكن كتير في القاهرة.
تقدر تعرف تفاصيل أكتر عن الماراثون وقواعد اليوم هتكون إزاي من هنا.
يلا ماتضعيش الفرصة، اشترك وطلع مواهبك.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
