مبادرة “Grow – قَوّيهَا”.. مهرجان في القاهرة لدعم السيدات والأمهات (اعرفوا التفاصيل)
افنت مبادرة قويها الجريك كامبس راحة بالي مبادرة "Grow- قَوّيهَا" مهرجان راحة بالي مهرجانات في القاهرة
Cairo 360
القاهرة على موعد مع حدث استثنائي الشهر ده! مبادرة “Grow- قَوّيهَا” هتكون الحدث المنتظر اللي هيستضيفه الـ”جريك كامبس” بوسط البلد، يوم السبت 26 أكتوبر 2024، من الساعة 11 صباحًا ولحد الساعة 8 مساءً. المبادرة دي بتنظمها منصة راحة بالي، المنصة الأشهر لدعم السيدات الأمهات في مصر والوطن العربي، والهدف الأساسي هو دعم وتطوير السيدات في مختلف الجوانب الحياتية.
الحدث ده يعتبر مهرجان فريد من نوعه، والحضور مجاني تمامًا والإيفينت هيكون برعاية جهات وأسماء مهمة زي هيئة الرقابة المالية، والمبادرة الرئاسية للأورام التابعة لحملة 100 مليون صحة، وبهية، وبنك مصر، وبنك QNB، وشركةEthics HR الرائدة في مجال الـموارد البشرية، وتطبيق أبجد للكتب الإلكترونية، ومعهد Berlitz.
مسرح Grow وإللي هتقدم فقراته المذيعة اللامعة “رنا عرفة” هيكون فيه فقرات كتير مميزة زي عرض ستاند كوميدي مع الستاند أب كوميديان “نهى كاطو”، وعرض الطبلة، وعرض الضوء، والدي جي، وكمان هيكون فيهTalks ومحاضرات قصيرة تفاعلية.
وأبرز المتحدثين في الدورة الجديدة هم السفيرة “نبيلة مكرم” رئيسة الأمانة الفنية والمدير التنفيذي للتحالف الوطني للعمل الأهلي التنموي، والكاتبة والمدربة “نهى زهرة”، وصانعة المحتوى في مجال الكتب “تقى حسام”، وممثل بنك مصر للشمول المالي أحمد عادل مدير تطوير الأعمال بقطاع الشمول المالي والتمويل العقاري ببنك مصر، والأستاذة شيرين مصطفى من بطلات جمعية بهية، وشهدان الخطيب رئيس مركز التعليم المستمر بالجامعة الأمريكية.
وهيكون فيه ورش مختلفة تتنوع ما بين التعليمية والترفيهية زي ورشة “اتشخلعي” وهي ورشة للتعبير الجسدي بيقدمها فريق “شخلعة” وورش في كيفية كتابة السيرة الذاتية واستراتيجيات العودة للعمل بعد الانقطاع لرعاية الأبناء. ومن أهم الورش مجموعة الورش إللي بيقدمها بنك مصر في ريادة الأعمال والتوعية المالية.
مبادرة Grow بتستهدف تمكين السيدات في ثلاث مجالات رئيسية؛ الصحة النفسية، الصحة الجسدية، وتطوير الذات والكاريير، وده بيتم من خلال الفعاليات المميزة وورش العمل والدورات التعليمية اللي بتقدم محتوى قيم ومفيد للمرأة في كل المجالات.
راحة بالي هي أول وأكبر منصة لدعم الأمهات في مصر والشرق الأوسط، وبيصل محتواها إلى أكتر من 50 مليون سيدة حول العالم. أسستها نادية جمال الدين من 9 سنين، بعد ما لاحظت إن الأمهات بيحتاجوا لدعم أكبر في رحلتهم.
المنصة حصلت على العديد من الجوائز المحلية والدولية نتيجة لدورها الريادي في تمكين ودعم المرأة.
إزاي تحضري الإيفنت؟
الحضور مجاني، وكل اللي عليكم هو التسجيل المسبق من خلال الرابط ده.
بعد التسجيل، راجعوا إيميلاتكم عشان توصلكم الـQR code الخاص للدخول.
احجزي تذكرتك المجانية دلوقتي!
مقترح
معالم وسياحة
الصحراء البيضاء في مصر: كأنك على كوكب تاني!
أجمل الصحاري في العالم أماكن تخييم في مصر +11
الحياة في كايرو
