Omar Abd-elmaqsoud
صحيح إن التخلص من المخلفات والنفايات بطريقة آمنة وغير مضرة بالبيئة بقى موضوع في بؤرة الاهتمام العالمي، إلا إن توعية المجتمع بالطريقة الصحيحة والآمنة للتخلص من المخلفات هتفضل مهمة صعبة، ومش أي حد يقدر يقوم بيها، لكن شركة “بيكيا” قبلت التحدي ده.
“بيكيا” هي عبارة عن شركة ناشئة مصرية، قررت إنها ترفع شعار التخلص من المخلفات من البيوت بطريقة آمنة ومبتكرة، عن طريق توفير الاحتياجات الرئيسية زي المواد الغذائية والخدمات الرئيسية، كمقابل عن محاولات الأسر المساهمة في عملية التخلص الآمن من النفايات بهدف غرس ثقافة الحفاظ على البيئة بين المواطنين بعدة طرق، أهمها توزيع الحقائب القماش اللي سعرها بيوصل في بعض الأحيان لـ 15 جنيه بشكل مجاني على الأهالي، وتعليمهم كيفية صنعها.
الشركة نقدر نقول كده إنها أول منصة تجارية بتشتغل على استبدال (مقايضة) المخلفات غير العضوية من الناس، وبتدعم الدولة في حملتها لوقف استخدام البلاستيك من خلال تقديم التوعية بأهمية الشنط المصنوعة من القماش، سواء الشنط اللي بيستخدمها الطلبة في المدارس، أو حتى اللي بنستخدمها في حياتنا اليومية.
ويعتبر وقف استخدام الأكياس البلاستيكية موضوع صعب، خصوصًا بعد التعود عليها بشكل كبير جدًا في حياتن اليوميةا، لكن كنوع من أنواع التشجيع والمبادرة، قررت شركة “بيكيا” إنها تدي شنط قماش للأطفال، قبل بداية السنة الدراسية كخطوة أولى.
في الخطوة الثانية كان التوزيع الفعلي للشنط القماش بين أطفال المدارس بدأ، وبالفعل نجحت الشركة فى تحقيق ده فى 4 مدارس، فى منطقتين هما مصر الجديدة وأرض اللواء.
وتحت عنوان”مع بعض علشان البيئة” قرر المسؤولين في “بيكيا” كخطوة ثالثة صناعة شنط قماش للأطفال المحتاجين فى المدارس علشان يشيلوا فيها كتبهم وأدواتهم المدرسيـة، وده بالتعاون مع جمعية “مرمرية” واللي تعتبر واحدة من الجمعيات الخيرية.
لو حابين تعرفوا أكتر عن “بيكيا” .. ممكن تدخلوا على صفحتهم على الفيس بوك من هنا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
