منور القاهرة يا كابتن ميسي
Cairo 360
في الزمن ده أي حاجة ينفع تخرج منها بقيمة تسويقية، أي حاجة حرفيًا، لكن الـ "حاجات" بتتفاوت في القيمة دي، في حاجة تجيلك جاهزة وقيمتها التسويقية عالية جدًا، وحاجة لسه محتاجة شغل وبعد الشغل كمان ممكن القيمة تبقى مش بالقوة المطلوبة، والـ "حاجات" دي تشمل كل شيء، حتى البشر!
لما نكون بنتكلم على أحسن لاعب كرة قدم في العالم، وواحد من أفضل وأمهر اللاعبين على مر تاريخ اللعبة، وصاحب العديد من اللقطات الإنسانية المضيئة بجانب وضعه الرياضي الاستثنائي، فإحنا في الحالة دي مش بنتكلم عن قيمة تسويقية كبيرة، ده إحنا بنتكلم عن عالم تسويقي كامل متكامل، وأي استغلال أو توجيه جيد للإفادة من القيمة دي لا يمكن أن يكون لها أي طريق غير النجاح، والنجاح الباهر.
بعد توقيع بروتوكول تعاون بين مصر للطيران وشركة "برايم فارما" للأدوية، هتنطلق بموجبه حملة لعلاج مرضى فيروس C اعتمادًا على الأرقام الجيدة اللي حققتها مصر في مجال العلاج من الفيروس المذكور، الحملة هتكون عبارة عن برنامج علاجي كامل للمريض متضمن فترة متابعة في بلده بعد إتمام العلاج في مصر، ودي خطوة في سبيل وضع مصر بقوة على خارطة السياحة العلاجية.
ليونيل ميسي نجم منتخب الأرجنتين وفريق برشلونة الإسباني هيزور القاهرة بهدف دعم الحملة المذكورة والترويج ليها.
زيارة "ميسي" بعيدًا عن قيمتها التسويقية للحملة والبرنامج خصوصًا وللسياحة العلاجية في مصر عمومًا، فهي أيضًا تحمل قيمة إنسانية مضافة للنجم الأرجنتيني كونها تأتي في مجال يفتقر للدعم ووضع الثقة.
اللي شربوا من نيلها هيزيدوا واحد، أو لأ، آسفين.. هيزيدوا "ميسي"!
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
