The Definitive Guide to Living in the Capital , Cairo , Egypt

أطلقت محافظة القاهرة أول أتوبيس بيشتغل بالكهرباء في العاصمة، وده هيكون التشغيل التجريبي لاستكمال خطة دعم منظومة النقل العام، ولو نجحت التجربة هيتم تعميمها على مراحل خلال السنوات اللي جاية، والأتوبيس صديق للبيئة وبيمنع التلوث وسرعته كبيرة، وبيتميز بوجود وسائل أمان عالية، وفي السطور اللي جاية هنقولكم على أهم 5 معلومات عنه.

1- تكلفة الأتوبيس الكهربائي حوالي 4 مليون جنيه.

2- خط سير الأتوبيس هيكون من ميدان التحرير ولحد الجامعة الأمريكية في التجمع الخامس، وسعر تذكرته 10 جنيه.

3- الأتوبيس مجهز بـ 36 كرسي، لكنه بيستوعب 70 راكب وقوف وجلوس، وفيه أماكن للحوامل والمرضى وأصحاب الهمم.

4- الأتوبيس مكيف الهواء ومراقب بالكامل بالكاميرات، وفيه كمبيوتر لرصد كل حاجة بتحصل جواه.

5- الأتوبيس بيتشحن بالكهرباء في حوالي ساعتين، وده بيخليه يمشي حوالي 200 كيلو.