The Definitive Guide to Living in the Capital , Cairo , Egypt

قطار النوم واحد من أفضل وسائل المواصلات لو هتسافر محافظة السحر والجمال أسوان، خصوصًا وإن الفترة دي هي أجمل الفترات لزيارة المحافظة العظيمة دي بهدف السياحة.. وعلشان كده هنقول لكم في الموضوع ده كل اللي محتاجين تعرفوه عن طريقة حجز تذاكر قطارات النوم وأسعارها من القاهرة ولحد أسوان، والمحطات اللي بتقف فيها قطارات النوم.

في البداية مهم تعرفوا إن قطارات النوم بتقف في المحطات الرئيسية بس، وبتقدروا تحجزوا مقاعدها من مكاتب حجز تذاكر النوم الموجودة بالمحطات الرئيسية.

كمان تقدروا تحجزوا التذاكر أونلاين عبر الموقع الإلكتروني للشركة الوطنية لإدارة عربات النوم التابعة لهيئة السكة الحديد (الرابط هنا).

والحجز بيكون عن طريق بطاقة الرقم القومي، وفي حالة حجز كابينة مزدوجة للجنسين بيكون شرط وجود قسيمة الزواج أو أن تكون القرابة من الدرجة الأولى.

نيجي بقى للنقطة المهمة، وهي أسعار التذاكر:

الأسعار من القاهرة للأقصر وأسوان أو العكس:

1ـ سعر التذكرة للقطار رقم 87 والقطار رقم 88 كالتالى:

-الكابينة المفردة بمبلغ 630 جنيه.

-الكابينة المزدوجة بمبلغ 400 جنيه.

-الطفل من 4 وحتى 10 سنوات بمبلغ 350 جنيه.

2ـ أسعار تذاكر القطارات أرقام 83 & 82 & 85 & 84 كالتالي:

-الكابينة المفردة بمبلغ 700 جنيه.

-الكابينة المزدوجة بمبلغ 450 جنيه.

-الطفل من 4 إلى 10 سنوات بمبلغ 400 جنيه.

فريق كايرو 360 بيتمنى لكم رحلة سعيدة!