Cairo 360
الويك إند مايحلاش لو الجو مش مساعد على الخروج. وبنحتاج نعرف الجو هيكون مظبوط إمتى، علشان نقدر نرتب مواعيد خروجاتنا.
بالنسبة لدرجات الحرارة من النهارده ولحد يوم السبت، فهي هتكون كالتالي:
النهاردة الخميس، العظمى 39 والصغرى هتكون 21. هتنخفض الحرارة بكرة الجمعة، وهتكون العظمى 33 والصغرى 19. أما يوم السبت فهتكون العظمى 30 والصغرى 19.
الجو النهاردة حر شوية، وهيبدأ يتحسن من بكرة. وبما إن الحرارة النهارده عالية، هنقولك على شوية نصائح مهمة في الأجواء دي:
– لازم نشرب مياه كتيرة. علشان الجسم مايصابش بالجفاف.
– نحاول مانتعرضش للشمس أوقات كتيرة، خصوصًا في وقت الذروة، من 12 لـ 3 العصر.
– الملابس القطنية هي أفضل اختيار في الجو ده.
– نكتر من شرب العصائر الباردة، بدل المشروبات اللي فيها كافيين زي القهوة والنسكافيه. لأنها بتخلي الجسم يفقد السوائل.
– تقليل الأطعمة الدسمة، لإن الجسم بيفقد الماء خلال هضم الدهون.
– ناكل أطعمة زي البطيخ والكنتالوب والخوخ. لأنها بتحتوي على نسب عالية من السوائل.
بعد كده نقدر على نهاية اليوم مع غروب الشمس، نخرج وننبسط ونستمتع بحفلات القاهرة في كل مكان.
ويك إند سعيد.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
