بواسطة
Mohammed Sabry
شروق يحيى.. خريجة هندسة بس بتحب الرسم وبتمارسه بشكل محترف. من فترة شروق رسمت بورتريه للنجم “ويل سميث”. وعملت منشن له على إنستجرام. المفاجأة إن بعد شهرين “ويل سميث”
بنفسه نشر الرسمة على صفحته، اللي عليها أكتر من 11 مليون متابع. وكتب تعليق بيقول “واو شروق يحيى.. ده رسم جميل بيدل على التفاني والانضباط. شكرًا”.
شروق نشرت الصورة على صفحتها. كتبت عليها “والله العظيم لحد دلوقتي مش مستوعبة خالص إنه شافها ومنزل صورتي وكاتب لي أنا الكلام د. بجد عمري ما حسيت إن ربنا هيضيع تعبي بس مش لدرجة ويل سميث بنفسه. قولولي إن ده بجد مش حلم”.
شروق موهوبة في الرسم، وحققت رسمتها لمحمد صلاح نجاح كبير على وسائل التواصل الاجتماعي.
