بواسطة
Cairo 360
أيام قليلة بتفصلنا عن دخول فصل الصيف، اللي هيبدأ فلكياً يوم 21 يونيو الجاري، ورغم كده الموجات الحارة قررت تيجي بدري عن فصل الصيف السنة دي، ومن النهارده الاثنين هتضرب البلاد موجة حارة، وهتستمر لحد يوم الأحد الجاي.
الدكتور وحيد سعودي، خبير الأرصاد والتحاليل الجوية، أعلن أنه من النهارده الاثنين ولحد يوم الأحد الجاي 23 يونيو، هتشهد البلاد ارتفاع تدريجى في درجات الحرارة وفى نسبة الرطوبة.
ووجه سعودى شوية نصائح للمواطنين، لمواجهة الموجة الحارة، ومنها عدم التعرض لأشعة الشمس المباشرة لفترات طويلة، وعدم جلوس مرضى القلب وحساسية الصدر في الأماكن المغلقة سيئة التهوية، وعدم قفل زجاج السيارات بالكامل.
كمان بينصحكم سعودي بإنكم تطمنوا دايمًا على دورة تبريد العربيات قبل السواقة.
نتمنى لكم كل السلامة والصحة يا أهل القاهرة.