The Definitive Guide to Living in the Capital , Cairo , Egypt

الصورة الرئيسية: Element5 Digital

مع بداية كل صيف، السؤال اللي بيشغل بال الطلاب وأولياء الأمور هو: امتى هتبدأ الدراسة؟ وده سواء في المدارس الحكومية، أو الدولية، أو حتى الجامعات. هنا هتلاقي خريطة كاملة لمواعيد بداية ونهاية العام الدراسي الجديد 2025 – 2026 في القاهرة، عشان تبقى عارف الخطة من أول يوم لحد الامتحانات.

موعد بداية العام الدراسي في المدارس الحكومية 2025 – 2026

السبت 20 سبتمبر 2025 بداية الدراسة رسميًا في المدارس الحكومية واللغات والخاصة.
الدراسة هتستمر 36 أسبوع موزعة على الترمين.
امتحانات نص السنة هتبدأ السبت 10 يناير 2026 لصفوف النقل، و17 يناير للإعدادية.
إجازة نص السنة من 24 يناير لحد 5 فبراير 2026.
الترم التاني يبدأ السبت 7 فبراير 2026.
امتحانات آخر السنة لصفوف النقل 16 مايو 2026.
امتحانات الإعدادية 4 يونيو 2026.
امتحانات الثانوية العامة 20 يونيو 2026.
نهاية الترم التاني والامتحانات يوم 11 يونيو 2026.

موعد بداية الدراسة في المدارس الدولية 2025 – 2026

قررت وزارة التربية والتعليم إن بداية الدراسة في المدارس الدولية هتكون يوم 7 سبتمبر 2025.

موعد بداية الدراسة في الجامعات 2025 – 2026

الدراسة في الجامعات تبدأ يوم السبت 20 سبتمبر 2025.
امتحانات Mid-Term للفصل الأول خلال أول 3 أسابيع من نوفمبر 2025.
نهاية الترم الأول 1 يناير 2026.
امتحانات الترم الأول من 3 يناير لحد 22 يناير 2026.
إجازة نص السنة من 24 يناير لحد 5 فبراير 2026.
بداية الترم التاني السبت 7 فبراير 2026.
امتحانات Mid-Term للفصل التاني في أول 3 أسابيع من أبريل 2026.
نهاية الدراسة 21 مايو 2026.
امتحانات الترم التاني من آخر مايو ولحد يونيو 2026.

ملاحظات مهمة:

عدد أيام الدراسة الفعلية 172 يوم بعد حذف الإجازات والويك إند.
الوزارة أكدت إنها هتتابع انتظام الطلاب وحضورهم بدقة.
فيه خطة للتخلص من نظام الفترات المسائية بالمدارس الابتدائية قبل سبتمبر 2027.
تم اعتماد نظام البكالوريا المصرية بجانب الثانوية العامة كاختيار متاح للطلاب.