بواسطة
Mohammed Sabry
محرك البحث العالمي “جوجل” بيحتفل النهارده – الثلاثاء – في منطقة الشرق الأوسط، بيوم الفلافل أو الطعمية.
وبتعتبر الفلافل من أشهر الأكلات العربية في الشرق الأوسط. بس دايمًا في جدل داير عليها بسبب أصلها. إحنا المصريين طبعًا شايفين إنها مصرية 100%. لكن السوريين شايفينها شامية أبًا عن جد، والفلسطينيين برضو بيعتبروها فلسطينية. الفلافل مشهورة برضو في اليونان والسعودية والسودان. وفي اليمن بيسموها “باجية”.
بتحتوي الفلافل على كمية كبيرة من الفيتامينات، ذات القيمة الغذائية العالية. بتساعد الجسم على الشبع لفترات طويلة. كمان فيها كاربوهيدرات بتزود الجسم بالطاقة. وعنصر الحديد المهم لبناء العظام.
أيًا كان أصل الفلافل، هتفضل الأكلة الشعبية الأفضل عند معظم الناس. وتستحق جوجل يخصص يوم محدد علشان يحتفل بيها.