The Definitive Guide to Living in the Capital , Cairo , Egypt

الحياة في كايرو

موقع Hospitalia.. لو محتاج دكتور أو ممرض يوصلك لحد البيت

hospitalia استشر طبيب المنزل حجز خدمة صحية زيارة طبيب طلب تمريض أونلاين طلب طبيب أولاين كورونا
موقع Hospitalia.. لو محتاج دكتور أو ممرض يوصلك لحد البيت
بواسطة
Mohamed Talaat

دلوقتي النزول من البيت حتى لو بغرض زيارة الطبيب بقى خطر، وده بسبب انتشار فيروس “كورونا” المستجد، واللي هو وباء عالمي أصاب العالم كله، وعلشان كده في السطور الجاية هنقول لكم إزاي تقدروا تطلبوا طبيب أو ممرض، أو حتى تحجزوا جلسات علاج طبيعي في البيت، بدون مما تخرجوا، وده من خلال موقع Hospitalia اللي بيوفر الخدمة دي.

القصة بدأت لما والد مؤسس الموقع والده اتصاب في حادث سيارة وبعد علاج بالمستشفى بقوا مطالبين إنهم يكملوا علاج طبيعي وده بيحتاج تنقل، لكن وقتها وبسبب ظروف الحادثة كان الموضوع صعب، فكانت فكرة الموقع، واللي هيقدر حاليًا يخدم كتير من المواطنين إنهم يستكملوا علاجهم ويكشفوا ويحصلوا على خدمات طبية بدون ما ينزلوا من بيوتهم.

والموقع بيشتغل على مبدأ الحق في العلاج وتلقى رعاية صحية ممتازة في البيت، مش بس كده، كمان تقدروا تحصلوا على استشارات طبية من خلال التليفون.

الموقع بيقدم خدمة الاستشارة الطبية من خلال التليفون بـ30 جنيه، وجلسة العلاج الطبيعي بـ350 جنيه، وزيارة الطبيب بتبدأ من 400 جنيه، وبتوصل لـ1000 جنيه للاستشاري والطبيب النفسي، والمتابعة بـ250 جنيه.

أما التمريض فسعره لمدة ساعتين للرعاية بـ300 جنيه، ولو 12 ساعة “ممرضة مساعدة” بـ400 جنيه، ولو محترفة بـ600 جنيه.

كل اللي عليكم تدخلوا على الموقع من هنا، وتملوا البيانات الخاصة بيكم، وتطلبوا الخدمة اللي محتاجينها، وهيتم التواصل معاكم من إدارة الموقع لتأكيد الحجز والميعاد.

الموقع بيوفر خدمات الرعاية الصحية وخدمة التواصل الهاتفي مع الأطباء، وعناية فورية من التمريض، وبدون انتظار.

زوروا موقعهم الإلكتروني من هنا.

صفحة الفيسبوك من هنا.

رقم التليفون 01100080900

مقترح