The Definitive Guide to Living in the Capital , Cairo , Egypt

الملاهي حاجة ممتعة، بتفكرنا بفترة مهمة من حياتنا، وهي الطفولة، ولما بنروح ملاهي بنحس بفرحة، خصوصًا لة سعهرا مناسب للظروف الحالية، وده اللي لقيناه في “نايل أكوا بارك”. هناك استمتعنا بألعاب وخدمات كتير وبأسعار في المتناول.

نايل أكوا بارك مكان مناسب للعائلة والأصدقاء وللكبار والصغار، لأن عندهم حمامات سباحة بأحجام مختلفة، وكمان حمام سباحة مخصص للسيدات، وسعر استخدام حمام السباحة والأكوا بارك بيكون 100 جنيه للفرد.

كمان عندهم برامج لليوم الواحد واللي تقدروا فيه تستمتعوا بوجبة فطار وغداء، وكوبونات لـ4 ألعاب هوائية، ده غير فقرات اللعب والأغاني والشو الفرعوني والصعيدي وفقرات الساحر وغيرها، وسعره 220 جنيه للكبار و150 جنيه للأطفال، ويوم الخميس والسبت بيخصصوه للعائلات فقط.

وكمان عندهم برنامج اسمه “الفترة الحرة”، وده بدون وجبات وسعره 50 جنيه وبيكون لمدة ساعتين، واليوم كامل 100 جنيه للفرد، وباقي الألعاب زي العربيات الكهربائية والعجلة الدوارة والقطر وغيرهم من باقي ألعاب الملاهي للأطفال والكبار فبيكون السعر من 10 لـ15 جنيه.

وتقدروا تحجزوا أو تعرفوا أكتر عنهم من خلال صفحة الفييسبوك من هنا.

العنوان: الجيزة – البدرشين – طريق أسيوط الزراعي الغربي، بجوار البنك الأهلي وأمام مأمورية الضرائب.

رقم التليفون: 01275622223 – 01067949712 – 01022716692