هتستضيفه حديقة الأورمان.. اعرفوا موعد افتتاح معرض زهور الربيع 2020
حديقة الأورمان معرض زهور الربيع 2020 معلومات عن معرض زهور الربيع موعد معرض زهور الربيع
Mohamed Talaat
تصوير: كايرو 360
عشاق النباتات في القاهرة على موعد مع أهم معرض لزهور الربيع بتستضيفه سنويًا واحدة من أقدم الحدائق في العاصمة، وهي حديقة الأورمان.. وفي السطور الجاية هنعرفكم على موعد افتتاح المعرض، وهنقول لكم على معلومات مهمة عنه.
بحسب الدكتور علاء عزوز، رئيس قطاع الإرشاد الزراعي، وصل عدد الشركات اللي تقدمت للمشاركة في معرض زهور الربيع لحد النهارده حوالي 193 شركة، بتشتغل في مجالات نباتات الزينة والظل والزهور وتنسيق ومستلزمات الحدائق.
وأكد عزوز في تصريحات إعلامية إنه هيتم افتتاح المعرض السنة دي في نسخته الـ87 بحديقة الأورمان النباتية بالجيزة، يوم السبت الموافق 14 مارس 2020، وهيستمر المعرض لمدة شهر كامل، يعني هينتهي يوم 14 أبريل 2020.
وهتزيد المساحة المقرر إقامة المعرض عليها في الحديقة بنسبة 20% عن السنوات اللي فاتت، علشان يتم استيعاب كل الشركات الجديدة اللي مهتمة بالمشاركة.
إدارة المعرض لسة بتستقبل لحد النهارده طلبات الشركات الراغبة في المشاركة، وخاصة صغار المزارعين والعاملين في مجال نباتات الزينة والزهور، والصبارات، وتنسيق ومستلزمات الحدائق.
السبب الرئيسي في إقامة المعرض في حديقة الأورمان النباتية بالجيزة، هو قيمتها التاريخية والتراثية، بسبب إنه تم إنشاؤها في عهد الخديوي إسماعيل سنة 1875.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
