The Definitive Guide to Living in the Capital , Cairo , Egypt

ناس كتير بتفكر تنقل رقمها من شركة المحمول اللي هي معاها لشركة محمول تانية. وفي الفترة اللي فاتت سهل الجهاز القومي لتنظيم الاتصالات، منظومة نقل الأرقام، بهدف ضمان حرية اختيار المستخدم للشبكة الأكثر ملاءمة لاحتياجاته، من حيث جودة الخدمات والأسعار والعروض.

والمنظومة الجديدة بتمكن المستخدم من الاحتفاظ برقمه زي ما هو لما ينقل من شركة محمول لشركة تانية، وده بيكون مجانًا وخلال 24 ساعة بس، لكن ده بشرط أن يكون الرقم المراد نقله مثبت ملكيته للمشترك طالب النقل برقم بطاقة صحيح لدى شركته، والتأكد من مرور 4 شهور على ملكية الخط مع سداد آخر فاتورة صادرة له، ومش من حق شركات المحمول رفض طلب النقل لأي سبب.

وبيقدم جهاز تنظيم الاتصالات 4 نصائح لمشتركي المحمول اللي حابين نقل خطوط تليفوناتهم المحمولة لشبكة تانية، وهي:

 1 – استخدم رصيدك أو أي نقط من حقك في حالة نظام الخطوط مسبقة الدفع المعروف بنظام الكارت؛ لأنه مع البدء في تفعيل عملية النقل هتفقد أي رصيد أو نقاط خاصة بخطك كانت مع شركتك الأولى.

2 – استخدام كل النقط والهدايا (في حالة نظام الخطوط آجلة الدفع المعروف بنظام الفاتورة).

3 – لو كان ليك أي أرقام أو رسائل نصية أو صوتية مسجلة على الشريحة احتفظ بيها عن طريق نسخها على ذاكرة التليفون المحمول أو بأي وسيلة تانية؛ لأنه هيتم فقد كافة البيانات بمجرد التغيير للشريحة الجديدة.

4 – اقرأ كويس الشروط والأحكام الخاصة بعملية نقل الأرقام واللي هتضميك عليها الشبكة الجديدة اللي هتنقل لها رقمك.