Mohammed Sabry
كل الناس دلوقتي بتخطط هتقضي شم النسيم فين، بس في ناس كتيرة هتكون أجازة يوم الأحد كمان. علشان كده جمعنا لكم شوية خروجات وإيفينتات في اليومين دول، تقدروا تقضوا وقتكم فيهم.
نبدأ بيوم الأحد، واللي هنقول عليه يوم الورش المتنوعة:
ورشة الطبلة في مكان الفنون
مساحة مكان للفنون عاملة ورشة لكل اللي بيحبوا الطبلة والرق والدف. هيقدمها هاني بدير. الورشة هتبدأ الساعة 5 مساءً. وتفاصيلها من هنا.
ورشة رسم الكوميكس في جرامافون
جرامافون هتستضيف ورشة لتعليم رسم الكوميكس. الورشة هتبدأ الساعة 7 مساءً. وتفاصيلها من هنا.
ورشة البورتريه في باب 18
أما مساحة باب 18 في مصر الجديدة، فهيكون فيها ورشة لتعليم رسم البورتريه للمبتدئين. الورشة هتبدأ الساعة 6 مساءً. وتفاصيلها من هنا.
نروح بقى ليوم الاتنين، شم النسيم وحفلات شم النسيم:
محمود العسيلي في District Mall
النجم محمود العسيلي هيحيي حفلة بمنسبة شم النسيم في District Mall. وهيكون معاه دي جي ياسر الحريري. الحفلة هتبدأ الساعة 5 مساءً. التفاصيل من هنا.
محمد رشاد في وادي دجلة هليوبوليس
نادي وادي دجلة في هليوبوليس هيستضيف الفنان محمد رشاد في حفلة شم النسيم. الحفلة هتبدأ الساعة 4 مساءً. التفاصيل من هنا.
حجازي متقال في The Guard Hotel
فندق The Guard Hotel عامل حفلة شم النسيم، وهيستضيف المطرب الشعبي حجازي متقال. ومعاه عدد من الفنانين المتنوعين. سعر الفرد: 200 – 300 جنيه. الحفلة هتبدأ الساعة 12 ظهرًا. التفاصيل من هنا.
شيرين يحيى في كونكورد السلام
فندق كونكورد السلام في مصر الجديدة، هيتستضيف شيرين يحيى في حفلة شم النسيم. الحفلة هتبدأ الساعة 3 مساءً. التفاصيل من هنا.
كل سنة وأنتم طيبين.