وسط البلد هتتحول لمتحف مفتوح.. تطوير 500 مبنى تاريخي في قلب القاهرة
العقارات التاريخية العقارات التراثية القاهرة القاهرة الخديوية تطوير مباني وسط البلد تطوير وسط القاهرة وسط البلد
Mohamed Talaat
وسط البلد حالة خاصة من العشق، بنحب كل تفاصيلها.. قهاويها، مطاعمها، مكتباتها، شوارعها.. وحتى مبانيها القديمة العظيمة اللي بتنفذ الحكومة المصرية مشروع مهم لتطويرها، وهو “تطوير القاهرة الخديوية”.
وبتضم العاصمة المصرية 500 مبنى بوسط البلد، بيتميزوا بالطراز المعماري المختلف وعمرهم أكثر من 150 سنة.. علشان كدة قررت مصر تحول المنطقة دي لحاجة أقرب لمتحف مفتوح.
وبيستهدف مشروع “تطوير القاهرة الخديوية” إعادة المنطقة لسابق عهدها، في زمن الخديوي، وعلشان كده هيتم إزالة بروز المحلات وتعدياتها على الأرصفة، وكمان هيتم توحيد واجهات المحلات علشان يرجع شكلها متشابه مع الزمن اللي تم إنشاء المباني دي فيه.
وبيتم حاليًا ترميم العقارات بنفس طريقة التنفيذ اللي شوفناها مؤخرًا بميدان التحرير.
والجميل إنه بيتم في عملية التطوير الاستعانة بالصور القديمة ومشاهد الأفلام السينمائية من زمن الأبيض والأسود اللي بتبرز شكل العقارات علشان يتم تنفيذ مشروع الترميم على نفس الشكل القديم.
كمان هيتم توحيد تصميم لافتات المحلات في منطقة القاهرة الخديوية بنفس الشكل اللي تم تنفيذه خلال تطوير ميدان التحرير.
بالإضافة للي فات، هيتم رفع الأكشاك العشوائية المخالفة، ورفع كفاءة المناطق الخضراء الموجودة في المنطقة.
وهيتم كمان منع تحويل العقارات لمخازن أو أي أنشطة مخالفة للحفاظ على الحالة الإنشائية للعقارات.
وأعلنت الحكومة المصرية إنه يتم استخدام الخامات المناسبة للمنطقة التراثية في الترميم وواجهات المحلات.
ولحد اللحظة دي، تمت أعمال تطوير واضحة في شارع قصر النيل وميدان الأوبرا، وشوارع الشواربي ومنطقة البورصة وشوارع تانية.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
