“يحيا العلم”.. مبادرة مصرية لتصميم أطول علم في العالم
6أكتوبر أطول علم في العالم احتفالات 6 أكتوبر العاصمة الإدارية علم مصر موسوعة جينيس للأرقام القياسية
Omar Abd-elmaqsoud
بعد أقل من شهر، وتحديدًا 6 أكتوبر الجاي، وزي كل سنة في التاريخ ده، بنحتفل بانتصارات أكتوبر المجيدة، وده العادي، لكن احنا في كايرو 360 النهارده جايبين لكم خبر مهم جدًا، هيخلي احتفال 6 أكتوبر الجاي مش احتفال واحد، لأ احتفالين.
الجديد في احتفالات أكتوبر السنة دي هو مبادرة جديدة بعنوان “يحيا العلم” هدفها تخليد احتفالات أكتوبر ورفع علم مصر في كل الميادين وعواصم العالم، وده كمحاولة لتسجيل الحدث في موسوعة جينيس للأرقام القياسية.
المبادرة شبابية بامتياز، وهدفها الأساسي هو تصميم أطول علم لمصر معمول بإيدين مصرية (صناعة يدوية) ورفعه يوم 6 أكتوبر الجاي في العاصمة الإدارية الجديدة، والدخول بيه لموسوعة “جينيس”وهي الفكرة اللي هيبدأ تنفيذها فعلاً مجموعة من الشباب بعد المؤتمر الوطنى للشباب السبت الجاي.
المنظمين والقائمين على مبادرة “يحيا العلم” كان ليهم تجربة سابقة مع موسوعة جينيس للأرقام القياسية بمبادرة “مصر بتفطر في العاصمة الإدارية” ودخلت التجربة دي فعلًا موسوعة الارقام القياسية كأطول مائدة في العالم بطول 3189 متر، وده كان سبب وحافز كافي إنه يشجع مجموعة كبيرة من الشباب في التعاون والتفكير في مبادرة أكبر علم في العالم في العاصمة الإدارية يوم 6 أكتوبر الجاي.
مقترح
الحياة في كايرو
لخريجي الشهادات الفنية والثانوية العامة.. خريطة الجامعات التكنولوجية في مصر
الجامعات التكنولوجية الجامعات التكنولوجية في مصر +6
معالم وسياحة
