The Definitive Guide to Living in the Capital , Cairo , Egypt

بعد بداية الدراسة والضغوط اللي موجودة بالتأكيد كلنا محتاجين نفصل شوية وخاصة الأطفال اللي بيروحوا الحضانة والمدارس وروتين حياتهم اتغير والحمل ممكن يكون تقيل عليهم، وعلشان صحتهم النفسية والذهنية قررنا نقولكم على 3 أماكن تقدروا تخرجوا فيها أطفالكم في الويك إند ويلعبوا وينبسطوا بأنشطة مغامرة وتشويق مختلفة، وأكيد الخروجة دي هتغير مودهم وتخلي الأسرة تقرب من بعض أكتر، وبننصحكم في الخروجات دي بلاش أي أكل فاست فود وكتروا من العصائر الطبيعية.

Sky park

مكان جميل ومميز ومحتاج شجاعة وحب مغامرة لأنكمك لازم تنجحوا في تخطي العوائق اللي موجودة بـ3 مستويات “مبتدئ – متوسط – خبير”، واللي بتبدأ سهلة وبسيطة ولما تعدوا مراحل السهولة بتروحوا لمرحلة أصعب شوية وفيها ألعاب للأطفال بمستوى مختلف تناسب الأعمار من سن 5 سنوات، وسعر التذكرة 450 جنيه.

العنوان: سوديك ويست بيستتاون هب – بيفرلي هيلز – الشيخ زايد

وتقدروا تعرفوا أكتر عنهم من خلال صفحة الفيسبوك من هنا.

 

Museum of Illusions – Cairo

متحف بدون آثار لكنه مليان مغامرة وتشويق وخدع بصرية كتير، هتشغلوا فيها حواس كتير منسية مننا، وأكيد هتنبسطوا من المعروضات والخدع اللي موجودة هناك، وأجمل ما فيه المتحف أن الكل هيتصور صور مميزة ومختلفة هيبان فيها الفرحة، وسعر التذكرة للفرد 300 جنيه للساعة، و950 جنيه لأسرة شاملة 4 أفراد “طفلين – فردين كبار”.

العنوان: Walk Of Cairo – بجوار بوابة Sodic West – الشيخ زايد.

وتقدروا تعرفوا أكتر عنهم من خلال صفحة الفيسبوك من هنا.

 

Adrenalin Park

المكان ده من أفضل أماكن الترابط الأسري، لأنه بيحتاج جروب كبير علشان تشتركوا مع بعض وتبدأوا حرب بينكم بالألوان، وبنوعدكم هتستمتعوا بأجمل وقت مع بعضكم وهتكتشفوا مهارات مختلفة جواكم وجوا أطفالكم فركزوا فيها، وهو مخصص للكبار والأطفال من سن 10 سنوات، وفيه أكوا بارك للأطفال من سن 3 سنوات، وأقل جروب بيكون 8 أفراد وفيها ألعاب كتير ومختلفة ومميزة ومصنفة كمان، وسعر التذكرة يبدأ من 300 جنيه وتشمل 100 طلقة.

العنوان: حوض 3 – منطقة الحزام الأخضر، الشيخ زايد.

وتقدروا تعرفوا أكتر عنهم من خلال صفحة الفيسبوك من هنا.