10 معلومات مهمة عن أول كلية لدراسة “النانو تكنولوجي” في مصر
جامعة القاهرة دبلوم دراسات عليا كلية متخصصة نانو تكنولوجي
Mohamed Talaat
مؤخرًا أعلن الدكتور “محمد عثمان الخشت” رئيس جامعة القاهرة، عن إنشاء أول كلية متخصصة في الدراسات العليا لعلوم النانو تكنولوجي في مصر والشرق الأوسط، والعالم العربي، وهتبدأ الدراسة فيها خلال العام الدراسي 2019/2020.
في الموضوع ده هنقولك 10 معلومات مهمة، أكيد هتحتاج تعرفها عن الكلية الفريدة من نوعها دي:
1- الكلية هتتخصص في هندسة التقنيات النانونية، وعلوم النانو الحيوية، وهتمنح دبلومة مهنية في الطاقة الشمسية، ودبلومة تقنية النانو في ترميم الآثار.
2- الكلية هتعتبر خطوة مهمة في طريق تحويل جامعة القاهرة لواحدة من جامعات الجيل الثالث.
3- الهدف الأساسي من الدراسة في كلية النانو تكنولوجي هو المشاركة في التنمية الشاملة، والبحوث، وخلق كوادر ترسم خريطة المستقبل.
4- الدراسة في الكلية هتساهم في تطوير مجالات انتاج الطاقة، وتحلية المياه، وتخليق المواد الجديدة ومواد البناء، وكمان هتساعد تطوير المجالات الطبية، والصيدلية، زي تصنيع الأدوية، وحاجات تانية كتيرة.
5- نظام التدريس في الكلية هيكون بنظام الساعات المعتمدة، مع الاعتماد على أحدث النظم العالمية وأحدث وسائل برامج التعليم الالكتروني.
6- هيئات التدريس والمدرسين والمساعدين والفنيين بكافة التخصصات في الكلية هتكون من الكوادر المصرية بشكل كامل .
7- الكلية هتمضي بروتوكول تعاون مع المركز المصري لتقنيات النانو للاستفادة من علاقاته الدولة مع الجامعات والمراكز المتخصصة.
8- هتعتمد الكلية على تكنولوجيا الاتصالات الحديثة بالكامل في الإجراءات الإدارية كأول كلية ذكية.
9- الكلية هتعتمد على العلوم البينية المتعددة في الفيزياء والكيمياء، وعلوم المواد وعلم الأحياء والهندسة، وهيتم ربطهم بتفنية النانو كمجال دراسي بمعايير عالمية.
10- الكلية هتوفر وحدة لإدارة الأزمات والكوارث بنظام وقائي داخلي، وده علشان توفر أعلى معدلات الأمن والسلامة ضد الكوارث، مع نظام رقمي تكنولوجي لتشغيل كاميرات المراقبة والإنذار وأنظمة الحرائق.
