The Definitive Guide to Living in the Capital , Cairo , Egypt

الحياة في كايرو

10 منظمين أفراح في مصر هيحولوا حلمك لفرح رائع

10 منظمين أفراح في مصر هيحولوا حلمك لفرح رائع
بواسطة
Hend Salah

دخلنا في موسم الزواج في القاهرة، الموسم اللي كل عروسة في مصر بتحلم بيه. ما بين رحلة البحث عن الفستان المناسب، والمكان المناسب، والتورتة المناسبة، بجد عملية التحضير "لليلة العمر" متعبة ومرهقة جدًا.

على العموم، التنظيم والتخطيط السليم مفتاح الفرح المثالي، سواء كان الفرح بسيط أو فخم ومتكلف. المصريين كمان طول عمرهم بيعشقوا المناسبات المهمة وبيخططوا لها كويس جدًا، وبما أن صناعة الزواج بتكبر يوم بعد يوم، شوفنا كمان زيادة في عدد مصممي الأفراح.

سيداتي العرايس، وسادتي العرسان، يسعدنا ويشرفنا إننا نقدم لكم قائمة تشمل عدد من أحسن منظمي الأفراح في مصر اللي أكيد هيساعدوكم تعملوا فرح ما يتنسيش.

 

Bordure Events

صحيح Bordure Events تأسست من سنتين بس، لكنهم قدروا يثبتوا نفسهم على ساحة مصممي الأفراح في وقت قليل جدًا، وبيقدموا لعملائهم فرصة الاستمتاع بفرح جميل وفخم يعيش في ذاكرتهم طول عمرهم. Bordure بيرشحوا لهم المكان وبيوفروا كل حاجة من المصورين المحترفين لورد الفرح والاكسسوارات، لدعوات الفرح وكل حاجة يحتاجوها لتنظيم فرح مالهوش مثيل.

 

 دينا اسكندر

لو كنتوا بتخططوا لفرحكم بنفسكم أو في حد من أصحابكم متولي الموضوع، إحتمال كبير تكونوا سمعتوا عن دينا إسكندر. دينا معروف عنها تنظيم حفلات أفراح وخطوبة مبهرة، وهي وفريقها هيساعدوك في تنفيذ كل حاجة من اختيار المكان المناسب للفرح واختيار أحسن شركة لتقديم الأكل وتنظيم أماكن القعدة في الفرح وكمان تصميم الفكرة العامة للفرح.

 

 Eventfull

Eventfull تعتبر من أهم شركات تخطيط المناسبات وبتغطي كل احتياجاتك من تصميم شكل الفرح، لتنفيذ الديكورات وتنظيم المكان، وكمان بيوفروا الدي جي والعروض الترفيهية وبيرشحوا لك شركات تقديم الأكل وغيرها من متطلبات الفرح المهمة.

 

 L.A Weddings – Lotfy Abdel Aziz

من وقت تأسيسها سنة 2013 واسم L.A Weddings ظهر بقوة في عالم تصميم الأفراح، وبينصحوا بيه في عدد من الفنادق المعروفة زي كمبينسكي النيل وسوفيتل الجزيرة. الشركة بتعمل ديكورات حفلات الفرح والخطوبة والعروض الترفيهية ومعاهم خدمات العروسين زي الشعر والماكياج وغيرهم.

 

 L’elite

الأختين شادين وشيرين البنّا قرروا يأسسوا شركة لتنظيم أفراح مبتكرة شيك وهي L'elite. الشركة كمان بتنظم حفلات خطوبة وتخرج وليلة الحنة وحفلات الولادة كمان، وده دليل على قوة الشركة وإمكانياتها.

 

 Noha Khalil Event Planner

معروف عن نهى خليل أفكارها غير التقليدية للأفراح، زي استخدام الصبار للقطع الرئيسية centerpieces – وتعتبر من الأسماء اللامعة في عالم تنظيم الأفراح اللي تقدر تخلي فرحك يوم مستحيل يتنسي. لو كان في دماغك تعمل حفلة بسيطة أو ضخمة، نهي وفريقها من خبراء تخطيط وتنظيم حفلات الفرح والخطوبة وأي نوع من المناسبات جاهزين ومستعدين – حتى لو كانت الميزانية بعافية شوية.

 

 Sandra Wedding & Event

اشتهرت Sandra Wedding & Event المملوكة لمصممة الأفراح الشهيرة ساندرا أسعد بتنظيم أكثر من 100 فرح بأفكار مبتكرة، وهي من الشركات اللي بينصحوا بيها لو عايز فريق محترف وموهوب ينظم فرحكم. مهما كانت فكرة الفرح اللي في دماغك، سواء كانت أجواء ثمانيناتي أو حاجة شيك بسيطة أو حتى فرح شرقي، فريق ساندرا هيبهروك.

 

 The Wedding Planner

مجموعة The Wedding Planner عندهم قاعدة بسيطة وهي "البساطة سر الجمال"، وهدفهم هو تقديم أفكار بسيطة وشيك لحفلات الفرح والخطوبة وغيرها من المناسبات.

 

 Victoria’s Wedding

لما يكون المطلوب فرح مخصوص بميزانية مناسبة، يبقى عليك وعلى Victoria's Wedding من غير تفكير. أصل Victoria's Wedding بيوعدوا بتقديم حفلات أفراح مبهرة تتميز بالأناقة والابتكار، وطبعًا العنصر الأهم وهو الميزانية المناسبة.

 

X-Pink Team

X-Pink Team هم خبراء الأفراح بكل ما تحمله الكلمة من معنى، من تصميم الدعوات للعروض الترفيهية للديكورات للتورتة، وحتى فستان وبدلة الفرح. الفريق بيقدم عدد كبير من خدمات ومستلزمات الأفراح هتحقق كل أحلامكم.

مقترح