The Definitive Guide to Living in the Capital , Cairo , Egypt

محافظة القاهرة سلمت مؤخرًا قصر الأميرة خديجة في حلوان، لمكتبة الإسكندرية. علشان تحوله لملتقى للأديان ومركز للثقافة. ومؤخرًا نشر موقع اليوم السابع، 14 معلومة عن القصر المهم ده، ومتشوقين جدًا نزوره قريب لما يتحول لملتقى أديان ومركز ثقافي.

1- مساحة المبنى الرئيسي للقصر حوالي 500 متر.

2- فيه جناح غربي بمساحة 300 متر.

3- الجناح الشمالي بيشغل 200 متر.

4- القصر فيه 50 قاعة، بتتدرج مساحتهم من 25 لـ 100 متر. والقاعة الرئيسية بتتسع لـ 120 فرد.

5- كان مرشح يتحول لمقر محافظة حلوان قبل إلغائها، لكن الفكرة ماتنفذتش بسبب قيمته الأثرية الكبيرة.

6- عمر القصر أكتر من قرن وربع.

7- القصر هيتحول لمتحف للأديان بيضم آثار الأديان. بدايةً من ديانة التوحيد، اللي نادى بها إخناتون. ومرورًا بالمسيحية واليهودية، لحد الإسلام.

8- إقامة المتحف هيكون لها مردود دولي كبير، يبرز صورة مصر الوسطية.

9- بعد العيد مباشرةً، المتحف هيبدأ في تقديم أنشطة يومية لخدمة الشباب.

10- تحويل القصر لمتحف هياخد سنة.

11- محافظة القاهرة جددت ورممت القصر بـ 28 مليون جنيه من خزنة الدولة.

12- تمويل المتحف مش هيكون بس من المحافظة أو مكتبة الإسكندرية.

13- تم تشكيل مجلس إدارة مشترك مع مكتبة الإسكندرية لإدارة المتحف.

14- القصر ده يعتبر تحفة معمارية، لها قيمة أثرية كبيرة.