The Definitive Guide to Living in the Capital , Cairo , Egypt

المرة دي الويك إند عندنا مختلف تمامًا، هنقضيه في حدائق ومتنزهات مميزة في القاهرة، لخروجة صيفية ماتتنسيش. في السطور الجاية هنقول لكم على 3 حدائق ومتنزهات مفتوحة تقدروا تخرجوا فيها وتغيروا جو وكمان تبلبطوا في حمام السباحة لو حابين.

Mezaj World

ممكن تروحوا دهب وأنتم في القاهرة، كل اللي عليكم انكم هتنزلوا المرسى بتاعهم، على كورنيش المعادي، وتاخدوا المركب اللي تابعة ليهم وهتوصلكم للمكان في أقل من 5 دقائق، وهناك القعدات كتير تقدروا تنتشروا في المكان، مع مود مختلف وأفكار  Creative وممكن تتصوروا بالموبايل زي ما أنتم عاوزين، لكن لو كاميرا بروفيشنال هيكون لها سعر خاص.

عندهم أكل وشرب بكل أنواعه، وممكن تقضوا هناك “داي يوز”، وتقدروا كمان تباتوا في شاليه هناك.

العنوان: كورنيش المعادي – قبل مدخل المعادي 2 – بجوار مركب Blue Nile –  أمام أديداس.

رقم التليفون: 01033737998

صفحة الفيسبوك من هنا

حديقة الأورمان

هنا نقدر نقول لهواة العراقة والأصالة، عليكم التوجه لحديقة الأورمان، اللي هي من أهم الحدائق النادرة في مصر، علشان فيها 100 فصيلة من النباتات بتشمل على 300 جنس، و600 نوع، وبيرجع تاريخ إنشائها لسنة 1875 واللي صممها مهندسين فرنسيين، ومساحتها الحالية 28 فدان.

المكان هناك روعة، وهو مجهز من سنين كتير لاستقبال معرض الزهور الربيع كل سنة، وعندهم أماكن كتير تتصوروا فيها، وكمان فيه حديقة ملاهي للأطفال بسعر رمزي.

العنوان: 9 شارع جامعة القاهرة – الجيزة.

رقم التليفون: 01096862279

صفحة الفيسبوك من هنا.

 جزيرة المعادي

جزيرة وسط النيل، فيها جنينة كبيرة، وهواها مختلف كتير عن وجودك في المدينة، واللون الأخضر في كل مكان، وتقدروا تشموا هوا نضيف يريحكم من غبار العوادم، وأكيد هتنبسطوا في قعدتكم وسط الخضرة والهواء والماء.

الجزيرة فيها ألعاب تناسب الكبار والصغار، بأسعار كويسة جدًا، وكمان عندهم كافيهات ومطاعم تقدروا تطلبوا منهم أكل لأن ممنوع دخول مأكولات ومشروبات.

العنوان: دار ضباط النقل – كورنيش المعادي

رقم التليفون: 01152070888

صفحة الفيسبوك من هنا