The Definitive Guide to Living in the Capital , Cairo , Egypt

الويك إند وصل! يعني الخروج والانبساط، والفرصة الحلوة لجمع الأصحاب في رحلة جميلة. فريق كايرو 360 هيعرفكم على على 5 أماكن مناسبة لخروجة مع الشلة وفي نفس الوقت السعر معقول وهتكون فرصة حقيقية لعمل سيشن مايتنسيش علشان الخروجة تتوثق وتبقى ذكرى أبدية.

1- الأزهر بارك

مساحات كتير خضراء، وفيو مميز هيخليكم تتصوروا صور جميلة في خلفية للقلعة وحي الحسين والبحيرة الساحرة والشلالات، وغيرهم من الخلفيات اللي هتخليكم مبسوطين وهما شغالين كل يوم من 9 صباحًا حتى 10 مساءً.

العنوان: شارع صلاح سالم – بالقرب من مشيخة الأزهر ومستشفى الحسين الجامعي.

2- قصر البارون

من أجمل الأماكن التاريخية في القاهرة، ومن وقت تجديده بقى حاجة تانية خالص، وهو مناسب جدًا لفوتوسيشن مع الأصحاب، سواء في حديقة القصر اللي هتبهركم بجمالها وتنظيمها، أو في الغرف الداخلية اللي كل ركن فيها بيحكي تاريخ وحضارة كبيرة، وهو بيكون شغال من الساعة 9 صباحًا حتى 4:30 مساءً.

العنوان: طريق العروبة – المنتزه – هليوبوليس.

3- ستيدج النيل

النيل في مصر لوحده فيو يرد الروح، ومع إضافة الديكورات المميزة فيه بيكون أجمل بكتير، وفي ستيدج الدقي الديكور مختلف وفيه أكتر من ركن، وأكيد هتنبسطوا فيه، ومواعيدهم من 10 صباحًا حتى 12 منتصف الليل.

العنوان: 109 شارع النيل – ميدان الجلاء – فوق نفق العجوزة.

 

4- وسط البلد

من أجمل وأحلى الأماكن اللي بتجمع بين حاجات كتير، العراقة والمباني المبهرة والسينمات والمطاعم والكافيهات.

العنوان: ومين اللي ما يعرفش يروح وسط البلد؟

5- ممشى أهل مصر

في ممشى أهل مصر هتلاقوا أنشطة كتير قوي، هتنبسطوا بالأمل والمشروبات هناك وهتقدروا تتصوروا وهتغيروا جو وكمان هتتفرجوا على المباريات المهمة، وهو مفتوح على مدار اليوم.

العنوان: كورنيش ماسبيرو – عبد المنعم رياض – وسط البلد.