ويك إند سعيد.. 5 خروجات في القاهرة هيغيروا مودك
أجمل معالم القاهرة أماكن ممتعة في القاهرة القرية الفرعونية برج القاهرة خان الخليلي قصر البارون قصر عابدين
Mohamed Talaat
الصورة الرئيسية من قصر البارون: تصوير مصطفى الشربجي
القاهرة فيها أماكن عظيمة، ومش هنبقى بنبالغ لو اعتبرناها متحف مفتوح مش مجرد مدينة. في الموضوع ده هنعرفكم على 5 أماكن غير مكلفين، تقدروا تتفسحوا فيهم في الويك إند.
عيش المتعة في القرية الفرعونيّة
نقدر نعتبر القرية الفرعونية pharonic village من أجمل الأماكن السياحية بلمسة فرعونية في القاهرة، وهي مكان مثالي للتعرف على التاريخ المصري وحضارة قدماء المصريين واكتشاف أسرار حياتهم.
القرية الفرعونية هي نموذج لشكل الحياة في مصر القديمة، وبمجرد دخولها هتحس إنك رجعت آلاف السنين، وهتقدر تتعرف على محتويات ومعالم ومباني وحتى شخصيات مصر القديمة.
عنوان القرية الفرعونية: 3 شارع البحر الأعظم، الجيزة.
العظمة في خان الخليلي
خان الخليلي من أهم المناطق السياحية في القاهرة، سواء للأجانب أو المصريين، بيضم سوق خان الخليلي معروضات من الأعمال اليدوية كالنحاسيات والمصنوعات الخشبية وغيرها من التحف والهدايا التذكارية اللي بتستهوي السياح لاقتنائها.
بيضم السوق كمان مباني عظيمة بالاضافة الى مقهى الفيشاوي المشهور.
خان الخليلي في منطقة الحسين.
شوف القاهرة من فوق برجها
بيوفر لكم برج القاهرة إطلالة جميلة على مدينة القاهرة بمعالمها وأحيائها ومبانيها، وبيصل ارتفاعه لـ 187 متر، وهو أعلى من أكبر هرم موجود في الجيزة، بيقع البرج في قلب مدينة القاهرة على جزيرة الزمالك في نهر النيل وبيضم في قمته مطعم فريد من نوعه وهو المطعم الدوار.
تاريخ القاهرة في قصر عابدين
بيعتبر قصر عابدين من أشهر وأفضل الأماكن السياحية في القاهرة، وهو بجد تحفة معمارية تاريخية رائعة. اتبنى في فترة حكم أسرة محمد علي باشا لمصر، وكان في الوقت ده مقر للحكم من العام 1872 حتى العام 1952.
مرت على القصر ده أحداث مهمة من عصر الملكية ولحد ثورة يوليو 1952 واللي كانت بداية لنشأة القاهرة الحديثة. تم تحويل القصر لمتحف بيزوره آلاف السياح سنويًا.
القصر موجود في منطقة عابدين في وسط القاهرة.
عيش الغموض في قصر البارون
قصر البارون من أجمل وأهم المناطق السياحية في القاهرة، وهو تحفة معمارية فريدة من نوعها، بناه المليونير البلجيكي البارون إدوار، واللي وصل مصر من الهند في نهاية القرن التاسع عشر بعد وقت قليل من افتتاح قناة السويس.
بيقع القصر في قلب منطقة مصر الجديدة بالقاهرة، وتحديدًا في شارع العروبة على الطريق الرئيسي المؤدي لمطار القاهرة الدولي.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
