The Definitive Guide to Living in the Capital , Cairo , Egypt

بما إن الخروجات مؤخرًا بقت مكلفة حبتين، وخصوصًا لو الخروجة كانت عائلية أو فيها لمة وأصحاب، علشان كده حاولنا نجمع لكم أكتر 5 حدائق موفرة ورخيصة، تقدروا تتجمعوا فيها مهما كان عددكم، وبتكلفة قليلة، تعالوا نتعرف عليهم:                                                            

حديقة الفسطاط

ممكن تزوروا حديقة الفسطاط مع عائلتكم وتستمتعوا بالمساحات الخضراء والهواء الطلق بسعر 5 جنيه بس للتذكرة.

حديقة الأورمان

على مساحة 28 فدان من الخضرة هتلاقوا حديقة الأورمان موجودة في الجيزة، وتحديدًا أمام حديقة الحيوانات، ولإنها بتضم مجموعة نادرة من الأشجار والنباتات والنخيل، فتعتبر واحدة من أقدم الحدائق النباتية في العالم، حيث إنها مقامة ، وتضم.

جزيرة المعادي

أهم حاجة في المكان ده هو طلته الجميلة والمبهجة على النيل، ده غير مساحتها اللي بتوصل لـ ٥٥ فدان، وفيها كمان منطقة مخصصة لألعاب للأطفال فيها جزء مجانًا، وفيها جزء تاني بأسعار رخيصة.

 سعر تذكرة الدخول 25 جنيه للفرد.

حديقة الأزهر

مين ما يعرفش حديقة الأزهر، بمساحاتها الخضراء الواسعة والمميزة، ونوافير المياه المختلفة، والأماكن المخصصة لألعاب الأطفال فيها. الحديقة كمان فيها مطاعم بتطل على بحيرات صناعية، ممكن تستضيف فيها حفلات موسيقية وعروض فنية، ده غير العدد الكبير من الكافتيريات الموجودة في كل مكان في الحديقة.

ومن موقع معين جوه الحديقة ممكن تشوفوا قلعة صلاح الدين، وكمان من روعة المناظر والمساحات الخضراء الموجودة في الحديقة، في كتير من المصورين بيروحوها علشان يعملوا جلسات تصوير مختلفة.

الحديقة بتفتح يوميًا من الساعة 9 صباحًا، لحد 10 بالليل، وسعر تذكرتها في الأيام العادية 30 جنيه، والأطفال 15 جنيه.

الحديقة اليابانية

حديقة عامة اتأسست على الطراز الآسيوي، وقدمها “ذو الفقار” باشا صاحب الحديقة ومؤسسها كهدية للسلطان “حسين”.

الحديقة ممتدة على مساحة 12 فدان، تحس وانت بتتمشى فيها إنك في عالم تاني، أو في دولة تانية، وكل ده بتذكرة دخول قيمتها 5 جنيه في الأيام العادية.