5 حدائق في القاهرة لخروجة رومانسية في الويك إند
حدائق القاهرة حدائق رومانسية في القاهرة خروجات
Cairo 360
رنا شرف
الويك إند فرصة جميلة لخروجات مميزة وجديدة. ومافيش أجمل من حدائق القاهرة في الجو ده، اشجار ونباتات ولعب وجد وأكتر. ولو نفسك تخرج الويك إند ده مع حد بتحبه، في خروجة موفرة وحلوة في نفس الوقت، إحنا هنعرفك على 5 حدائق جميلة لخروجة رومانسية وغير مكلفة.
حديقة الميرلاند
من الحدائق العريقة والقديمة في القاهرة، وكمان اتجددت دلوقتي وبقت مناسبة لخروجة رومانسية. الحديقة فيها مناظر مبهجة وفيها بحيرة صناعية وكافيهات لذيذة.
حديقة الأسماك
من الحدائق المميزة كمان ولها تاريخ عريق، وكانت وما زالت ملتقى العشاق في العاصمة المصرية! حديقة الأسماك مش مكلفة، التذكرة فيها لسة بـ5 جنيه. كمان فيها مناظر طبيعية جميلة وكهوف حلوة ومناسبة جدًا للتصوير مع الحبيب.
حديقة العبور
من الحدائق الجميلة في الزمالك، هي موجودة أمام حديقة الأسماك. فيها كافيهات حلوة وأسعارها مش غالية، وتعتبر مكان جميل لخروجة حلوة في الويك إند.
حديقة الفنون
من الحدائق الحلوة واللي لها إطلالة مميزة جدًا علي نيل القاهرة، وسعر التذكرة فيها 10 جنيه بس. الحديقة فيها كافيه ممكن تطلب منه شاي أو قهوة أو عصير. هتتمتع بجد بخروجة حلوة علي النيل مش مكلفة ورومانسية بجد.
حديقة الأزهر
من الحدائق المشهورة في القاهرة، فيها مشاهد رومانسية جدًا. كفاية تقف مع حبيبك في أعلى حتة فيها وتبص على القاهرة القديمة، ده غير المناظر الطبيعية الجميلة، وده اللي مخليها دائمًا مميزة في عالم الحدائق، وسعر تذكرتها كمان بسيط؛ 25 جنيه، وأيام الويك إند بيكون 30 جنيه.
كل سنة وأنتم عايشين في قصة حب حلوة يا أهل القاهرة!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
