The Definitive Guide to Living in the Capital , Cairo , Egypt

القاهرة مليانة حدائق مميزة، اختارنا لك منها 5 حدائق هتساعدك تغير مودك وهتشم فيهم هواء حلو ونقي، وكمان هتستمتع بجمال الخضرة، يعني الويك إند هيبقى مبهج جدًا الأسبوع ده.

حديقة الأسرة

اسم على مسمى، مكان مناسب للكبار والصغار وفيها ألعاب مختلفة، وفيها نافورة راقصة ومطاعم وكافيهات تقدر تقضي فيها يوم كامل من غير ما تخرج منها لأي حاجة، وهي موجودة في مدخل الرحاب 2 – الكيلو 26 – طريق السويس وسعر التذكرة 80 جنيه.

الحديقة اليابانية

هي على الطراز الأسيوي، ومساحتها 10 أفدنة، وفيها بحيرات وتماثيل وأشجار مميزة، ومنطقة ملاهي فيها بحيرة تجديف للاطفال، ومكانها في شرق حلوان، شارع محمد مصطفى المراغي وسعر التذكرة 15 جنيه.

حديقة الأورمان

من أكبر الحدائق وأعرقها، وفيها أشجار نادرة وكمان مدينة ألعاب للأطفال، وكمان فيه كافتيريا فيها وجبات، وهي من أروع المناطق ومكانها مميز في شارع الدقي أمام جامعة القاهرة وسعر التذكرة 5 جنيه للفرد.

حديقة الأزهر

من أكبر الحدائق وأفضلها وموجودة في القاهرة التاريخية بعد الغورية ومسجد الحسين ومسجد الأزهر، وفيها مطاعم وكافيتيريات وقعدات مميزة، وتقدر تقعد وسط الخضرة والمياه وسعر التذكرة 20 جنيه للأطفال و30 جنيه للكبار، ومتاحة من 9 الصبح لحد 10 بالليل.

 

حديقة الحرية

واحدة من أجمل حدائق القاهرة، فيها مساحة خضرة جميلة، وتماثيل لرموز الحرية والنضال في عالمنا، ميزتها إنها قريبة جدًا من وسط القاهرة، لأنها أمام البوابة الرئيسية لدراة الأوبرا، وسعر تذكرتها 10 جنيه بس.