5 خروجات مسائية هتخليك تستمتع بليل القاهرة الساحر
القاهرة في المساء خروجات ليلية في مصر سهرات القاهرة ليل القاهرة مصر بالليل
Mohamed Talaat
الصورة الرئيسية: oCDr
معروف أن ليل القاهرة مميز، علشان عاصمة مصر لا تنام، والمساء بيحلى فيه الخروجات بعد نهار بنقضيه في الشغل أو إنهاء مصالح، وعلشان كده هنقولكم على 5 خروجات مسائية هتغير الموود وتصنع لكم أحلى الذكريات.
برج القاهرة
هتقدروا تشوفوا مصر بشكل مميز من فوق برج القاهرة بالزمالك، وخاصة في وقت الغروب، وهو بيكون مفتوح لحد الساعة 10 مساءً.
جزيرة المعادي
هتستمتعوا بفيو الجزيرة مع قعدة مميزة هترضي ذوقكم مهما كان، وهم كمان عندهم فقرات فنية وملاهي أطفال والمكان مفتوح لحد الساعة 10 مساءً.
فلوكة في النيل
تقدروا تجمعوا أهلكم وأصحابكم وتأجروا فلوكة في النيل تكون لكم وحدكم أو تركبوا بالفرد من أماكن كتير متاحة زي كورنيش ماسبيرو والمنيل والعجوزة والدقي، وهما بيكونوا شغالين لحد الساعة 12 مساءً.
مولات القاهرة
تقدروا تخرجوا في مول تستمتعوا بالتسوق والتمشية والتصوير خاصة أن كتير من المولات بقت تعمل ديكورات مميزة بتخلي الصور أجمل، والمولات في القاهرة شغالة لقرب منتصف ليل القاهرة.
المطاعم
بيحلى السهر مع قعدة في كافيه أو مطعم مع العائلة أو الأصحاب، وتقدروا تختاروا نوع القعدة حسب ما تحبوا وحسب ذوقكم سواء آوت دور أو إن دور، وتقدروا تعرفوا تجاربنا مع مطاعم القاهرة وكافيهاتها علشان تختاروا الأفضل.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
