The Definitive Guide to Living in the Capital , Cairo , Egypt

ليالي شهر رمضان مميزة، والسهر تجربة ممتعة في الشهر الكريم، وعلشان كده بتنتشر الخيم الرمضانية في أماكن كتير بالقاهرة، وكل خيمة لها شكل خاص بيميزها، وكلهم بيشتركوا في أنهم بيعملوا سحور وبيكون فيه فقرات فنية وأجواء رمضانية بشكل مختلف. خلونا نعرفكم على 5 خيم مميزة لسهرة حلوة في رمضان 2024.. يلا نبدأ.

 

السبكي كايرو فيو

خيمة السبكي كايرو فيو بيقدموا خلال شهر رمضان سحور مميز على جبل المقطم بأسعار للوجبات تبدأ من 100 جنيه، وهما موجودين في ٦٥٠ شارع الأهرام – كورنيش المقطم.

تقدروا تعرفوا أكثر عنهم من خلال صفحة الفيسبوك هنا.

 

ليالينا

من الخيم المميزة اللي بتقدم تجربة رمضانية شيقة، وهتلاقوا فيها نجوم كتير خلال شهر رمضان، وأسعارهم بتبدأ من 800 جنيه، وهما موجودين في قصر البارون مصر الجديدة، وZed park الشيخ زايد.

تقدروا تعرفوا أكثر عنهم من خلال صفحة الفيسبوك هنا.

 

وناسة

من أشيك وأكبر وأقوى الخيم الرمضانية في القاهرة وممكن في مصر كلها، هتلاقوا نجوم كبار موجودين كل يوم ورجال أعمال وعندهم برنامج فني مميز وأكلات مختلفة والأسعار بتبدأ للفرد من 650 جنيه، وهما موجودين السنة دي في متحف الحضارة.

تقدروا تعرفوا أكثر عنهم من خلال صفحة الفيسبوك هنا.

حكايتنا حلوة

من أجمل الخيم في القاهرة الجديدة وفيها هتلاقوا فقرات فنية مختلفة ومتنوعة ونجوم كثيرة، وانبساط مالوش حدود، وبيبدأ سعر الفرد من 800 جنيه.

تقدروا تعرفوا أكثر عنهم من خلال صفحة الفيسبوك هنا.

 

سوا

لو بتحبوا الحضارة والتاريخ يبقى خيمة سوا في قلعة صلاح الديني الأيوبي هي اختياركم، فيو مميز على التاريخ، وأسعارهم بتبدأ من 1800 جنيه للطاولة مع برامج فنية وأكل مميز شهي.

تقدروا تعرفوا أكثر عنهم من خلال موقعهم وتحجزوا من هنا.