Mohammed Sabry
في رمضان بيقل وقت الشغل ويكتر وقت الفراغ. وطبعًا بنحتاج نشغل نفسنا بأي حاجة نضيع بيها الوقت. بس طالما هنضيع وقت، يبقى الأحسن يكون في حاجة مفيدة زي القراءة. هتقول إنك بتزهق بسرعة، هنقولك ماتقلقش، لأنك هتحب النوع ده من القراءة. لأنه هيكون من خلال قنوات على يوتيوب. القنوات دي حسب موقع “إضاءات”، بتقدم الكتب بشكل ممتع. وبتستخدم وسائل تفاعلية بصرية مختلفة. يلا نتعرف عليهم:
كتبجي
القناة أسسها عبد المجيد حسين عام 2013. وهدفها التحفيز على القراءة من خلال مناقشة كل اللي بيتعلق بها. زي إزاي تختار كتاب، فوائد القراءة، الفرق بين كتاب وغيره. وهكذا. وده لينك القناة.
أخضر
أسس القناة محمد أسامة عام 2016. وشعارها “كتاب في حكاية”. القناة بتلخص وتبسط الكتب العالمية، وتعرضها في صورة فيديوهات قصيرة، ورسوم كارتونية مشوقة. وده لينك القناة.
جيل يقرأ
القناة أطلقها محمود شريف عام 2017، بعد ما خاض تحدي القراءة على موقع “جود ريدز”. وده شجعه على عرض الكتب اللي قراها في صورة سؤال وجواب. القناة برضه بتستخدم الرسوم الكارتونية والفيديوهات لتوضيح الأفكار. وده لينك القناة.
حرر عقلك
القناة دي ظهرت عام 2017، بهدف استثمار الوقت في تغذية العقل بالمعرفة والمعلومات. بشكل ينعكس على تطوير وتحسين حياة الإنسان للأفضل. وموضوعات الكتب في القناة بتدور في مجال ريادة الأعمال والاقتصاد والتنمية البشرية. وده لينك القناة.
الزتونة
في 2016 أسس مايكل راشد قناة “الزتونة” لعرض ملخصات الكتب. بهدف نشر المعرفة بين الشباب. وبيعرض فيها كتب الاقتصاد وريادة الأعمال، اللي بتهتم في المقام الأول بنشر الطاقة الإيجابية بين الشباب. وده لينك القناة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
