The Definitive Guide to Living in the Capital , Cairo , Egypt

الشغل الخاص فكرة موجودة في بال كتير من الشباب. لو أنت بتفكر أحيانًا في الموضوع ده دي يبقى أنت واحد من رواد الأعمال المحتملين. وعلشان تحقق حلم مشروعك الخاص بشكل سليم، دي أهم 5 كتب هتفيدك في المشاريع الصغيرة.

1- كتاب “Business Adventures”

ألفه “جون بروكس”، وصدر سنة 2014. وبيصف فيه بروكس أبرز اللحظات الخاصة بكتير من الشركات الأمريكية الكلاسيكية. بدايةً من فورد وانتهاءً بزيروكس. بيتكلم عن المكسب والخسارة والإخفاقات والنجاحات. وقرارت متهورة بنتايج عكسية ومفاجئة.

2- كتاب “Business Model Generation”

ألفه “أليكسندر أوستروالدر”، وصدر سنة 2011. الكتاب بيقدم دليل متكامل بخصوص الرؤى والتحديات المتعلقة بمجال ريادة الأعمال. وكمان بيقدم نماذج  وأفكار مختلفة في المجال.

3- كتاب “The Start-Up Of You”

ألفه “ريد هوفمان” و”بين كازنوشا”. بيقدم خارطة طريق ممتازة لرواد الأعمال، بناء على خبرات ومسيرة عمل “ريد هوفمان”، المؤسس الشريك لموقع لينكد إن. وبيشير لنقطتين مهمين: إن رائد الأعمال يكون سباق، ويطور دايمًا من أفكاره

4- كتاب “Outliers”

ألفه “مالكولم جلادويل”، وفيه بيقدم رؤيته بخصوص الدور اللي بيلعبه العمل الجاد، وكمان الحظ بشكل متساوي. وبيتكلم عن قاعدة الـ 10.000 ساعة. اللي بتنص على إنك هتحتاج 10.000 ساعة تدريب (مع سبق الإصرار والتصميم) علشان تكون خبير في أي مجال.

5- كتاب “The Four Steps To The Epiphany”

ألفه “ستيف بلانك”. وبيقدم من خلال 4 أقسام دليل شامل للخطوات العملية، لبناء شركة ناجحة، وإدارة أرباحها وخطط توسعها. وبيكون معاك في مراحل التأسيس لحد ما توصل للاستقرار.