The Definitive Guide to Living in the Capital , Cairo , Egypt

رنا شرف

الصور من مول مصر

العيد فرحة وأجمل فرحة، فرحة اللبس الجديد، وفرحة عمل الكحك، وفرحة العيدية والخروجات، لكن وسط ظروف اقتصادية صعبة شوية، الأماكن غير المكلفة بتكون اختيار مميز. ومولات القاهرة ممكن تكون خروجة حلوة في العيد، هناك هتقدروا تتمشوا في جو مكيف بعيدًا عن سخونية الجو، وفي نفس الوقت المكان مناسب للتصوير، وفيه هناك أنشطة مختلفة غير الشراء، من أول السينما، ولحد القعدة على الكافيهات.

تعالوا نقول لكم علي 5 مولات مميزة في القاهرة لخروجة بسيطة في العيد.

 

مول سيتي ستارز

من المولات العريقة في مصر وله جمهوره لحد النهارده، هتلاقوا فيه كل الماركات العالمية والمحلية تقريبًا، المكان بجد خروجة مناسبة للعيد.

 

مول مصر

من المولات العصرية، اللي مليانة بالأنشطة المميزة، هتلاقوا هناك سينمات وأماكن لعب وترفيه، وتزلج على الثلج، وملاهي، وأكتر! خروجة مناسبة لكل عشاق المولات.

مول سيتي سنتر ألماظة

مول جميل، فيه اختيارات كتير للتسوق، منها وجود كارفور، يعني مناسب لو عاوزين تخروجوا وتعملوا شوبينج للبيت.

 

جراند مول المعادي

عشاق الذكريات والأماكن القديمة، هينبسطوا جدًا في المول ده، اللي فيه رائحة المعادي الجميلة، هتلاقوا هناك محلات كتير، والتمشية كممان جواه جميلة، رغم إنه مش ضخم قوي ومافيهوش أنشطة كتير.

 

مول طلعت حرب

من مولات وسط البلد المشهورة، واللي فيه محلات أسعارها اقتصادية، وفيه مجموعة مطاعم في الدور الأرضي أسعارها معقولة جدًا.

 

كل سنة وأنتم طيبين يا أهل القاهرة، عيد فطر سعيد.