The Definitive Guide to Living in the Capital , Cairo , Egypt

وزارة الإنتاج الحربي تعاقدت مع شركة فوتون الصينية، علشان تنتج أول أتوبيس كهربائي مصري، واللي بالفعل مصر بدأت تجهز له البنية التحتية وأماكن التصنيع، علشان يتم انتاج أول دفعة من الاتفاقية في نهاية 2020، وفي السطور اللي جاية هنقولكم 7 معلومات هتعرفكم تفاصيل المشروع زي ما نشرها موقع مصراوي.

1-  أول دفعة إنتاج هتكون 450 أتوبيس وهتصدر في نوفمبر 2020.

2- نسبة التصنيع المحلي 45% هتنتجها إدارة مصنع المدرعات.

3- الشركة الصينية هتورد البطاريات والمحركات من إنتاجها.

4- العقد يتضمن إنتاج 2000 أتوبيس خلال 4 سنوات.

5- هيتم توريد 50 أتوبيس كنماذج استرشادية لمصر علشان يعرفوا مدى تحملها لبيئة مصر.

6- طول الاتوبيس 12 متر وفيه 30 كرسي وبيتحمل 70 فرد.

7- السرعة القصوى للأتوبيس 90 كيلو متر في الساعة، والبطارية بتعمل دورة ذهاب وعودة قبل ما تتشحن.