The Definitive Guide to Living in the Capital , Cairo , Egypt

أي أسرة فيها أطفال بيكون شيء ضروري جدًا أنهم يلاقوا مكان يبسط الأطفال ويخرج طاقتهم ومايحسسهمش بالملل، وده في الأغلب بيكون في الملاهي أو الأماكن اللي فيها لعب للأطفال لكن بمرور الوقت بقى فيه أماكن خاصة بالأطفال وبتساعد كمان أنهم يلعبوا لعب تنمي مهاراتهم، وأماكن جنبها لباقي الأسرة تساعدهم يقعدوا ويستمتعوا بوقتهم بعصير أو أكل خفيف.

كيدزينيا

 من الأماكن المميزة في القاهرة الخاصة بالأطفال، وتعتبر واحدة من الأماكن العالمية الخاصة بالتعليم والترفيه للأطفال، لأنه مصمم كأنه مدينة واقعية صغيرة علشان تخلي الأطفال اللي أعمارهم من سن ٤ إلى ١٤ سنة ، بهدف أنهم يتعايشوا أو يقلدوا شغل الكبار ويعرفوا هم بيحبوا إيه أكتر. فالطفل بيعتمد على نفسه في كل التعاملات التجارية، وبيستعمل عملة خاصة بمدينة كيدزانيا ومسمينها كيدزوس، وبيستخدموها في شراء المنتجات والبيع والخدمات. وعنوانها في شارع التسعين، في كايرو فستيفال سيتي مول.

وبتفتح المدينة أبوابها للزوار مرتين يوميًا، من الساعة 11 الصبح لحد 4 مساء، ومن 5 مساء وحتى 10 مساء.

دريم بارك

من أقدم الأماكن اللي بتوفر كل اللعب اللي الأطفال والكبرا بيحبوا يلعبوها وهي مكونة من 7 مناطق ،كل منطقة فيها منطقعة ألعاب مختلفة.

ومكانها في طريق الواحات بمنطقة السادس من أكتوبر في دريم لاند، وبتفتح أبوابها للزوار من الساعة 10 الصبح ولحد الساعة 10 مساء.

فاميلي لاند

ودي بقى تعتبر من  أكبر الملاهي المقفولة والمكيفة في مصر، وفيها لعب تناسب كل الأعمار، تخليهم يستمتعوا بكل دقيقة جواهم.

ومكانها في شارع مصر حلوان الزراعي بالمعادي ، وراء أبراج عثمان.

وبتفتح أبوابها للزوار من الساعة 10:30 الصبح لحد الساعة 12.

جيرولاند

فيها لعب كتير بتخلي الأطفال يستمتعوا ويجربوا اكتر من لعبة مختلفة. ومكانها في مدينة العبور، وتعتبرمن أفضل الأماكن السياحية للأطفال في القاهرة.

وبتفتح أبوابها لمدة ١٢ ساعة من 10 الصبح ولحد الساعة 10 مساء.

بيلي بيز

دي بقى مدينة ألعاب ترفيهية مقفولة للأطفال وبس.

 مكانها في مول العرب بالسادس من أكتوبر.

وبتفتح أبوابها للزوار من الساعة 10 الصبح ولحد الساعة 10 مساء.

ماجيك بلانت

وهو عبارة عن مكان ترفيهي للأطفال فيه لعب بسيطة ممتعة. ومكانه جوه سيتي سنتر المعادي أو الإسكندرية ، وعندهم فيديو ولعب تانية كتير الأطفال بتحبها.

وبتفتح أبوابها للزوار من الساعة 10 الصبح لحد الساعة 1 الفجر، وبيبدأ سعر التذكرة من 5 لحد 15 جنيه.

حديقة الأزهر

حديقة الأزهر من الأماكن الجميلة اللي فيها المناظر الجميلة والخضرة اللي بتدي إيجابية للأطفال، ده غير أن فيها ملاهي وألعاب أطفال. كمان في  المنطقة الشمالية من الحديقة للأطفال واللي اتصممت على شكل مدرج ومسرح  مخصوص علشان أنشطة الأطفال غير باقي الألعاب المتنوعة.

ومكانها على طريق صلاح سالم وأسعار التذاكر بتختلف لو هتدخل بالعربية أو على رجليك وبتفتح من 10 الصبح ولحد 10 مساء.

أكوا بارك

واللي تعتبر من أكبر مدن الألعاب المائية في الشرق الأوسط لأنها بتجمع بين الماء والألعاب في مكان واحد وفيها حمام أمواج بيشبه شاطئ البحر، و5 حمامات سباحة ، بالإضافة لزحاليق ضخمة وألعاب للأطفال تانية.

ومكانها علي طريق مصر إسماعيلية الصحراوي ، وبتفتح أبوابها للزوار من الساعة 10 الصبح ولحد الساعة 5 مساء.

كريزي ووتر

فيها أماكن زحاليق ولعب متنوعة على حمامات السباحة. ومكانها علي امتداد محور 26 يوليو الشيخ زايد.

وبتفتح أبوابها للزوار من 10 الصبح ولحد الساعة 6 مساء ، وسعر التذكرة 65 جنيه وبالنسبة للأطفال اللي أعمارهم أقل م  3 سنين فالدخول مجاني.