The Definitive Guide to Living in the Capital , Cairo , Egypt

مع دخول الشتاء وأجواء أعياد الميلاد مع سانتا كلوز واحتفالات رأس السنة الميلادية والجو المميز في مصر بنحتاج مشروبات تدفينا وتخلينا نستمر في سهراتنا وحياتنا، وعلشان كده النهاردة هنقدملكم برعاية أجواء سانتا كلوز 5 مشروبات مصرية هتدفيكم في الشتاء وهتعملوها في البيت بسهولة.

حمص الشام

أشهر مشروب مصري محبوب في الشتاء واسمه الشعبي في القاهرة “حلبسة”، وهو عبارة عن حبوب حمص مسلوقة مع إضافة خفيفة من صلصة الطماطم والثوم، وبتحطوا عليه زي ما تحبوا من كمون وشطة مع عصرة ليمون، وبيتقدم ساخن ويعتبر أهم رفيق للشتاء في مصر.

الكاكاو

من أقدم المشروبات وأشهرها وممكن نقول عليه “هوت شوكليت” بإضافة بسيطة من الاسبريسو أو المارشميلو، ولكن الأصل بيقدم بدون اضافات سواء كان باللبن أو سادة.

السحلب

ده بقى من المشروبات اللي بتظهر في الشتاء بس لأنه ثقيل وفعلا بيدفي، وزمان كان السحلب بيضاف له أي نوع مكسرات وبس، لكن دلوقتي تقدروا تضيفوا عليه كريمة أو فواكه وحاجات كتير حسب الرغبة والافتكاسات اللي دايما بتخلي طعمه أحلى، مع العلم أنه مشروب صحي بيعزز المناعة.

الجنزبيل

بعيدًا عن فوائده الكتيرة المتميزة إلا أنه من المشروبات اللي بتدفي في الأجواء الشتوية المتميزة، وتقدروا تشربوه سادة أو باللبن.

القرفة

مينفعش في الأجواء الشتوية متشربوش قرفة بالحليب تدفيكم وتعزز المناعة بتاعتكم وتخليكم قادرين تستمروا في السهر والخروج والشعور بالجو بدون ضرر.

المشروبات الشتوية كتير وأنتوا كل اللي عليكم تختاروا اللي بتحبوه علشان تستمتعوا بالأجواء الشتوية المتميزة في القاهرة.