The Definitive Guide to Living in the Capital , Cairo , Egypt

مصر النهارده، السبت 1 نوفمبر 2025، بتعيش لحظات تاريخية استثنائية مع الافتتاح الرسمي للمتحف المصري الكبير، أحد أكبر الصروح الحضارية والثقافية في العالم، واللي بيعبر عن عظمة الحضارة المصرية القديمة وريادتها الإنسانية عبر العصور. الافتتاح ده مش مجرد حدث فني أو أثري، لكنه رسالة من مصر للعالم كله إنها مازالت قادرة تبهر وتدهش زي دايمًا.

موعد حفل افتتاح المتحف المصري الكبير 2025

هينطلق حفل الافتتاح الرسمي في تمام الساعة السابعة مساءً بتوقيت القاهرة، بحضور الرئيس عبدالفتاح السيسي، ومعاه 79 وفد رسمي من مختلف دول العالم، من ضمنهم 39 وفد برئاسة ملوك ورؤساء وأمراء.

ومن أبرز المشاركين ملوك وأمراء من بلجيكا، إسبانيا، الدنمارك، الأردن، البحرين، سلطنة عمان، الإمارات، السعودية، لوكسمبورج، موناكو، اليابان وتايلاند، بجانب رؤساء دول من ألمانيا، البرتغال، فلسطين، كرواتيا، جيبوتي، الصومال، غانا، الكونغو الديمقراطية، وأرمينيا. كمان بيحضر رؤساء وزراء من اليونان، المجر، هولندا، الكويت، لبنان، وبلجيكا، بالإضافة لمشاركة وزارية وبرلمانية كبيرة من أكتر من خمسين دولة حول العالم.

القنوات الناقلة لافتتاح المتحف المصري الكبير 2025

الحدث العالمي ده هيكون متاح لمتابعة الملايين حول العالم، من خلال مجموعة من القنوات المصرية والعربية اللي أعلنت بثها المباشر لحفل الافتتاح.

القنوات المصرية الناقلة على القمر الصناعي نايل سات هي: قناة الحياة بتردد 12206 عمودي، القناة الأولى المصرية بتردد 11766 عمودي، قناة القاهرة الإخبارية بتردد 11747 أفقي، وقناة إكسترا نيوز بتردد 11488 أفقي، وكلها بمعدل ترميز 27500.

كمان من المتوقع إن بعض القنوات العالمية تنقل أجزاء من الحدث ضمن تغطيتها الخاصة، باعتباره من أهم الفعاليات الثقافية اللي العالم كله منتظرها من سنين.

كيفية الوصول إلى المتحف المصري الكبير

لو بتخطط تزور المتحف بعد الافتتاح، وبالتحديد من يوم 3 نوفمبر 2025 تقدر توصل له بسهولة بأكتر من طريقة.

بالمترو: تركب الخط التاني (شبرا الخيمة – المنيب) وتنزل محطة الجيزة، ومن هناك تركب ميكروباص أو تاكسي لموقف مشعل أو الأهرامات، وهتلاقي لافتات واضحة بتدل على المتحف.

بالمواصلات العامة: من ميدان التحرير أو عبدالمنعم رياض، تركب ميكروباص الجيزة وتنزل ميدان الجيزة، ومن هناك ميكروباص الأهرام أو مشعل. كمان في خطوط أتوبيسات عامة بتمر قدام المتحف زي أتوبيس رقم 8 من ميدان عبدالمنعم رياض، وأتوبيس رقم 900 من ميدان رمسيس.

أسعار تذاكر المتحف المصري الكبير 2025

بتنقسم التذاكر إلى نوعين هما التذاكر العادية وتذاكر الجولات الإرشادية وجاءت الاسعار كالتالي:

النوع الاول التذاكر العادية

للمصريين سعر التذكرة للبالغين 200 جنيه وللأطفال والطلاب وكبار السن 100 جنيه.

للعرب والأجانب سعر التذكرة للبالغين 1450 جنيه وللأطفال والطلاب 730 جنيه.

للعرب والأجانب المقيمين في مصر سعر التذكرة للبالغين 730 جنيه وللأطفال والطلاب 370 جنيه.

النوع الثاني الجولات الارشادية

أسعار الجولات الإرشادية داخل المتحف

للمصريين سعر التذكرة للبالغين 350 جنيه وللأطفال والطلاب وكبار السن 175 جنيه.

للعرب والاجانب سعر التذكرة للبالغين 1950 جنيه وللأطفال والطلاب 980 جنيه.

للعرب والاجانب المقيمين في مصر سعر التذكرة للبالغين 980 جنيه وللأطفال والطلاب 500 جنيه.

يذكر ان المتحف المصري الكبير أغلق أبوابه أمام الزوار منذ 15 اكتوبر لتنفيذ الاستعدادات النهائية الخاصة بحفل الافتتاح الرسمي والمقرر اليوم 1 نوفمبر 2025 على أن يبدأ في استقبال الزوار من جديد صباح يوم 4 نوفمبر وهووده اليوم اللي بيوافق الذكرى رقم 103 لاكتشاف مقبرة الملك توت عنخ آمون.

رابط حجز تذاكر المتحف المصري الكبير

تقدر تحجز تذاكر الزيارة أونلاين بكل سهولة من خلال الموقع الرسمي للمتحف المصري الكبير من الرابط ده.

كل اللي عليك تختار تاريخ الزيارة، وتحدد نوع التذكرة سواء مصري أو عربي أو أجنبي أو مقيم، وبعدها تدخل بياناتك الأساسية زي الاسم والبريد الإلكتروني ورقم الهاتف والجنسية.

افتتاح المتحف المصري الكبير النهارده مش مجرد حفل عالمي، لكنه لحظة فخر حقيقية لكل مصري. لحظة بنعلن فيها للعالم إن حضارتنا مازالت حية وقادرة تبهر زي زمان، وإن المتحف المصري الكبير مش بس بيت للآثار، لكنه بيت للهوية المصرية اللي ما بتغيبش أبدًا.